SHIRIKA LA SEA SENSE LAUNGANISHA UHUSIANO KATI YA VIONGOZI WA SERIKALI ZA MITAA PAMOJA NA BMU

Imetumwa: June 12th, 2025

Shirika lisilo la kiserikali la Sea Sense linaloshughulika na masuala ya ulinzi shirikishi wa rasilimali za bahari leo limekutana na viongozi wa serikali za mitaa na vijiji kutoka katika wilaya za Mkuranga, Kilwa na Lindi kwa lengo la kuimarisha uhusiano kati ya viongozi wa serikali za mitaa na viongozi wa BMU sambamba na kuunganisha mtandao endelevu wa mafunzo ya ulinzi shirikishi.

Kikao hicho kimefanyika katika ukumbi wa mikutano wa hotel ya Double M uliopo manispaa ya Lindi ambapo akizungumza wakati wa ufunguzi mkuu wa idara ya kilimo, mifugo na uvuvi Manispaa ya Lindi Dr. Ninzar Idd amesema Sea Sense ni wadau muhimu katika ulinzi shirikishi wa rasilimali za bahari na kuwataka waendelee kushirikiana na serikali katika kulinda rasilimali za bahari kwa ajili ya maendeleo.

Kwa upande wake msimamizi wa programu Lydia Mgimwa amesema viongozi wa vijiji wana wajibu wa kusimamia kusimamia BMU ili kuleta uendelevu wa rasilimali za bahari na kuleta maendeleo ikiwemo kukua kwa uchumi.

Aidha akizungumza wakati wa kuwasilisha mada mratibu wa programu Abdallah Ngaugula amesema ili kuleta tija usimamizi huo wa viongozi wa serikali za mitaa na vijiji ufanyike kwa kufuata sheria, kanuni na taratibu na ushirikiano.