CFMA ZA KILWA, LINDI, MKURANGA NA MTWARA ZAPIGWA MSASA LINDI.

Imetumwa: June 14th, 2025

Viongozi wa maeneo ya usimamizi wa pamoja wa uvuvi wa wilaya za Lindi, kilwa, Mkuranga na Mtwara wametakiwa kusimamia kikamilifu maeneo yao ili kuondoa uvuvi haramu.

Hayo yamejiri katika kikao cha ziara ya siku mbili ya Viongozi wa CFMA hizo yanayofanyika katika hoteli ya Double M iliyopo Manispaa ya Lindi chini ya shirika lisilo la kiserikali la Sea Sense.

Akizungumza mwakilishi wa Wizara ya Mifugo na Uvuvi Tumaini Chambua amezitaka CFMA hizo kutoa taarifa juu ya changamoto zinazowakabili hususani uwepo wa Meli za uvuvi zinazofanya uvuvi haramu katika maeneo hayo ili ziweze kuchukuliwa hatua.

Kwa upande wake mwakilishi wa mkurugenzi mtendaji wa Manispaa ya Lindi Essao Ngongolowo amewataka kuzingatia mafunzo hayo kwa maendeleo sekta ya uvuvi na uvuvi endelevu.

Nae mratibu wa programu kutoka Sea Sense amesema Ziara hii itawezesha uwezo wa wadau kusimamia rasilimali za pwani na itaongeza ushirikiano na wadau mbalimbali na kutengeneza mtandao mkubwa zaidi.