ZIARA YA NAIBU WAZIRI WA MAMBO YA NDANI YA NCHI MHE. JUMANNE SAGINI WILAYANI LINDI

Imetumwa: February 22nd, 2023

Naibu waziri wa mambo ya ndani ya nchi Mhe. Jumanne Sagini amefanya ziara mkoani Lindi na kutembelea maeneno mbalimbali katika jimbo la Mchinga kama vile kijiji cha Mchinga kutokana na maombi ya Mbunge wa jimbo la Mchinga Mhe, Salma Kikwete lakini pia mbunge wa viti maalumu mkoa wa Lindi Mhe, Tecla Ungele, ambapo alipata kuona kituo cha polisi cha mchinga na kupata taarifa fupi  ya kituo hicho cha polisi cha Mchinga moja kata ya mchinga.Kwenye taarifa yake kamishna msaidizi,jeshi la polisi Lindi ACP  Mtaki Kulijila amemuomba Mhe. naibu waziri kuwasaidia ili wapate kituo kipya cha polisi kulingana na ukosefu wa vyumba vya kuhifadhia silaha katika kituo hicho,lakini pia miundombinu ambayo haipo vizuri. ACP Mtaki pia alitoa changamoto mbalimbali kama vile kutokuwa na vyoo katika vyumba vya mahabusu,pia kituo hicho kipo jirani na barabara kuu hivyo ni hatari kwa usalama wa watu lakini pia jengo hilo halina mapokezi maalumu(charging office).

Vilevile mbunge wa jimbo la Mchinga Mhe. Salma Kikwete,alishukuru na kumpongeza naibu waziri kwa kazi nzuri anayoifanya katika kutumikia waTanzania,lakini pia mhe Salma Kikwete aliomba ujenzi wa kituo kipya cha polisi kwasababu kituo hicho cha polisi ni muhimu kwa eneo hilo kutokana na ujio wa gesi ya LNG.

Katika hatua nyingine naibu waziri wa mambo ya ndani ya nchi Mhe. Jumanne Saigi aliongea na wananchi wa Mchinga,kwa kukiri kuwa ni kweli kituo hicho hakipo katika hali nzuri kulingana na kuvuja hivyo ni rahisi kwa nyaraka zinazo hifadhiwa katika kituo hicho kuharibika.Lakini pia aliahidi kuwa kituo hicho kita karabatiwa kwa haraka wakati wanasubiri ujenzi wa kituo kipya na kikubwa kwenye eneo linalostahili.Mhe Saigi alisema  kituo kitajengwa kwaajili ya usalama wa raia na mali zao hivyo aliwaomba wana mchinga kutofanya uhalifu ili kuepuka kuwekwa katika kituo hicho.

Baada ya kuongea na wananchi wa Mchinga Mhe. Sagini na msafara wake ulipata kuelekea katika kijiji cha Kitomanga ambapo pia aliongea na wananchi wa Kijiji hicho,kwa kuwaomba wananchi wa kitomanga kufanye kazi na kuepuka uhalifu ili kuepuka kuwa wateja wa vituo vya polisi .

Mwisho naibu waziri wa mambo ya ndani alielekea katika gereza la Kingurungundwa ambapo alipata nafasi ya kuonana na wafungwa katika gereza hilo na kupata changamoto zao ambazo zimekuwa zikiwasumbua katika gereza hilo ikiwemo mazingira pamoja  na miundombinu ya gereza hilo kama vile mifumo ya maji katika gereza hilo .