WAKULIMA WATAKIWA KUENDELEZA MASHAMBA YA KOROSHO

Imetumwa: August 9th, 2018

Naibu Waziri Tamisemi Mhe,Joseph Kakunda amewataka watendaji kumaliza maandalizi ya  kuboresha matumizi bora ya ardhi katika kila Kijiji ili kumaliza mogogoro kati ya wakulima na wafugaji ili kuwapa nafasi ya mkulima kulima na mfugaji kufuga vizuri.

Mhe Naibu Waziri ameyasema hayo katika sherehe za kufunga maonyesho ya wakulima kanda ya kusini yaliyofanyika katika viwanja vya Ngongo tarehe 08/08/2018 ambapo aliwasihi wakulima kuongeza uzalishaji na kusindika mazao ili kuyaongezea thamani.

Pia amewataka wakulima kuyapa kipaubele mazao ya kanda ya kusini ambayo ni  korosho,muhogo,mahindi na ufuta pamoja na mifugo ambayo ni mbuzi kuku na samaki na wazingatie mazao muhimu ya bustani  za mboga mboga ili kujiongezea kipato.

Aidha Mhe, kakunda amewataka wakulima wenye mashamba ya korosho kutumia fursa vizuri za kupunguzwa kwa kodi na ada mbalimbali kwa kuyafufua na kuyatunza vema mashamba yao ili wanufaike na bei nzuri ya bidhaa hiyo.

Nae Mkuu wa Mkoa Mhe, Godfrey Zambi ameahidi kuyafanyia kazi maagizo hayo ili kuhakikisha kilimo kinakuwa chachu katika kuinua uchumi ili kuelekea Tanzania ya Viwanda.