VIONGOZI WA DINI LINDI MC WAPIGWA MSASA JUU YA UMUHIMU WA LISHE.

Imetumwa: March 29th, 2025

Halmashauri ya manispaa ya ya Lindi metoa mafunzo ya masuala ya lishe kwa viongozi wa dini, kwa lengo la kuwaongezea uelewa na kuhamasisha jamii katika kuzingatia lishe.

Mafunzo hayo yamefanyika katika ukumbi wa mikutano wa ofisi ya mkurugenzi na kuhusisha viongozi kutoka katika dini na madhehebu mbalimbali.

Akizungumza wakati wa kufungua mafunzo hayo kaimu mkurugenzi Dkt Stanford Mwakatage amesema kuna umuhimu mkubwa wa jamii kuwa na uelewa wa kutosha juu ya masuala ya lishe, ili waweze kujenga jamii bora na kupambana na changamoto kama vile Maradhi na kutumia gharama kubwa ya matibabu.

Pia Dkt Mwakatage ameongeza kuwa changamoto kubwa iliyopo kwa sasa katika manispaa ya Lindi ni jamii kutotumia chumvi yenye madini joto amewataka viongozi wa dini kuwakumbukusha waumini juu ya umuhimu wa kutumia chumvi yenye madini joto.

Kwa upande wake afisa lishe wa manispaa ya Lindi Bakari Abdalla amesema kwa mujibu wa takwimu za 2024 zinaonyesha watoto 421 wana udumavu sawa 1%, watoto 1137 wana hali ya ukondefu sawa na 2.8%, uzito uliozidi 199 sawa na 0.5 na wajawazito 196 wanaupungufu wa damu sawa na 4.5% ambapo ametaka kuwepo kwa juhudi za pamoja baina ya jamii na wataalamu ili kuondoa changamoto hizo.

Nao baadhi ya washiriki wa mafunzo hayo wamesema elimu waliyoipata ni faida kwa jamii huku wakiahidi kwenda kutoa elimu kwa waumini.