Uteketezaji wa Nyavu Haramu

Imetumwa: May 8th, 2017

Halmashauri ya Manispaa ya Lindi katika kutekeleza agizo la Mh. Rais wa Jamhuri ya Muungano wa Tanzania Mh. John Pombe Magufuli alilolitoa tarehe 11 Agost 2016 mkoani Mwanza juu ya udhibiti wa uvuvi haramu, pamoja na mambo mengine Manispaa ilihamasisha wavuvi kusalimisha zana za uvuvi haramu na kufanya doria iliyofanikisha kukamata kwa zana za uvuvi haramu. Idara ya Mifugo na Uvuvi itaendesha zoezi la Utekezaji wa zana za uvuvi haramu zilizokamatwa ndani ya Halmashauri ya Manispaa ya Lindi.

Zoezi la uteketezaji wa zana haramu zilizokamatwa na zilizosalimishwa na wavuvi kuanzia kipindi cha mwezi Septemba 2016 hadi Februari 2017, zilizokuwa zikitumiwa kinyume cha sheria ya uvuvi Na 22 ya mwaka 2003 na Kanuni za uvuvi za mwaka 2009 utafanyika Siku ya tarehe 10/5/2017 saa 3:00 asubuhi katika Eneo la soko la samaki Manispaa iliyopo karibu na Benki ya NBC – Lindi Branch.

Wote mnakaribishwa.