TUMIENI FURSA KUONGEZA MAPATO,MHESHIMIWA MOHAMED LIHUMBO

Imetumwa: October 30th, 2018

Mstahiki Meya wa Manispaa ya Lindi Mheshimiwa Mohamed Lihumbo amewaka madiwani kutumia fursa zilizopo katika kata zao kwa  kubuni miradi ambayo itasaidia katika kuongeza mapato kwa kushirikiana na wataalam na watendaji wa Manispaa.

Mstahiki Meya ameyasema hayo leo tarehe 30/10/2018 kwenye baraza la madiwani uwasilishaji wa taarifa za kata kwa mwaka 2018/2019 lililofanyika katika ukumbi wa DDC.

“Tuwe vichocheo vya kuongeza mapato kwa Halmashauri kwa kuibua,kusimamia na kudhibiti vyanzo vya mapato katika kata zetu kwa kushirikiana na wakusanya mapato wa Manispaa ikiwa ni pamoja na kuwahimiza wanachi kushiriki kujitolea kwenye utekelezaji wa miradi ya maendeleo ”,alisema.

Mkurugenzi wa Manispaa Ndugu Jomaary Satura alisema kuwa bado kuna nguvu kubwa ya wananchi ambayo haijatumika hivyo  tuwatie moyo wananchi washirikiane kikamilifu na Manispaa katika utekelezaji wa miradi mbalimbali ya maendeleo.

Aidha, Mkurugenzi wa Manispaa aliwakumbusha madiwani kutekeleza vema suala la utawala bora kwa kusimamia ukusanyaji wa mapato yatokanayo na ushuru wa korosho zinazozalishwa katika maeneo yao na kuwahamasisha wananchi kuuza korosho hizo kwenye vyama vya msingi viliyopo kwenye kata zao.