TASAF YATOA MWONGOZO WA UTAMBUZI NA UANDIKISHAJI WA KAYA KUHUSU MPANGO WA KUNUSURU KAYA MASKINI.

Imetumwa: April 20th, 2021

Mkuu wa Mkoa wa Lindi Mheshimiwa Godfrey Zambi akitoa neno wakati wa ufunguzi wa Kikao kazi cha kujenga uelewa kuhusu kipindi cha pili cha awamu ya Tatu ya TASAF kilichofanyika tarehe 19/04/2021 katika ukumbi wa Mkuu wa Mkoa.Mkuu wa Mkoa amesisitiza wawezeshaji kuhakikisha wanafaika wamekidhi vigezo pia kuhakikisha hakuna walengwa hewa.Amewaomba madiwani kusimamia vyema utekelezaji ili kufikia lengo la mpango wa kunusuru kaya maskini katika kata zao na kujua wangapi wanastahili kufikiwa na mradi lakini pia kujua ni kiasi gani kimetumika katika kutekeleza mpango huo wa kunusuru kaya maskini.

Aidha Mratibu wa kikao kazi hicho alitoa ufafanuzi juu ya watu wanaostahili kufikiwa na mpango huo lakini pia huduma watakazopatiwa,Ambapo alisema kuwa Mpango unawezesha kaya masikini zinzoishi katika hali duni hususan watoto na akina mama wajawazito kupata lishe bora ,huduma za afya na elimu.Walengwa ndani ya kaya ni;

• Watoto wenye chini ya umri wa miaka mitano wanaohudhuria  kliniki.
• Wanafunzi wanaosoma shule za awali,shule za msingi na shule za sekondari.
• Mama wajawazito
• Wanakaya wenye ulemavu.

Kaya hizi zitanufaika kwa kupewa ruzuku za aina nne,Ruzuku ya msingi-inatolewa kwa kaya iliyomo kwenye mpango,Ruzuku ya kutimiza masharti- inatolewa kwa kaya yenye walengwa wanaotakiwa kutimiza masharti ya elimu na afya ili ziweze kupata huduma za elimu na afya;Ruzuku ya ulemavu-kwa kaya inayoishi na mtu mwenye ulemavu;Ruzuku ya watoto-kwa kaya zinazoishi na watoto lakini pia Mpango unatoa ajira kwa kaya maskini zenye watu wenye uwezo wa kufanya kazi hususan wakati wa hari.

    Katika kipindi cha pili cha awamu ya Tatu ya Mfuko wa Maendeleo ya Jamii(TASAF III) kitatekelezwa katika Halmashauri zote 184 za Tanzania Bara na Wilaya zote za Zanzibar.Katika awamu ya Tatu TASAF itawafikia kaya milioni moja na nusu zenye jumla ya watu zaidi ya milioni 7 kote nchini hii ikiwa ni nyongeza ya kaya laki tatu na nusu.Aidha katika kipindi hiki cha pili kitahakikisha kwamba huduma za jamii zinaongezwa na kuboreshwa ili kutoa huduma na kuendeleza rasilimali watoto hususan katika upatikanaji wa elimu na afya.

                                         Mkuu wa Mkoa akiwa katika picha ya pamoja na DAS,RAS,Mstahiki Meya na madiwani.