NAIBU WAZIRI WA MAMBO YA NDANI YA NCHI AFUNGUA RASMI MAONESHO YA WAKULIMA, WAVUVI NA WAFUGAJI KANDA YA KUSINI.

Imetumwa: August 1st, 2023

Naibu waziri wizara ya mambo ya ndani ya nchi mhe. Jumanne Sagini (Mb) , afungua ramsmi maonesho ya wakulima na wafugaji ( Nanenane) kanda ya kusini, akimuwakilisha waziri wa wizara ya mambo ya ndani ya nchi mhe.  Mhandisi hamad Masauni( Mb)

Ufungunzi  huo kwa kanda ya kusini umefanyika Agost ,1, 2023 katika viwanja vya Ngongo   Manisipal ya lindi, yenye kauli mbiu isemayo vijana na wanawake ni msingi imara wa mifumo   endelevu ya chakula .

Aidha mhe. Sagini amewapongeza wakuu wa mikoa na wilaya  wa lindi na mtwara kwa kusimamia hali ya ulinzi na  usalama katika mikoa hiyo.

Sambamba na hilo,  mhe. Sagini amezungumzia suala la migogoro kati ya wakulima na wafugaji, na pia ametumia fursa hilo kuwasihi wakulima na wafugaji kujiepusha na migogoro hiyo pamoja na hilo Sagini ameliomba jeshi la polisi kuchukua hatua kwa wote wanaojihusisha na migogoro hiyo ya  wakulima na wafugaji.

Lakini pia ,amewapongeza wanakamati , watumishi , wadau na wananchi wa mikoa ya Lindi na Mtwara kwa maandalizi mazuri ya sherehe  hiyo . Pia amesisitiza maoneshe hayo yatumike katika kujenga hamasa ya kuongeza uzalishaji katika kilimo, ufugaji ,na uvuvi 

Katika hatua nyingine Mkuu wa mkoa wa Lindi Mhe. Zainab Telack amewaomba wakulima wa mbaazi kuendelea kuzalisha zao hilo kwani mwaka huu linakwenda kuingia kwenye stakabadhi ghalani kwa mikoa ya Lindi na Mtwara. Lakini pia Mhe. Telack alitumia nafasi hiyo kumshukuru Rais wa Jamhuri ya Muungano wa Tanzania Mhe. Dkt Samia Suluhu Hassan kwa kutoa msukumo mkubwa katika kukuza sekta ya kilimo, mifugo na uvuvi Kupitia wizara za kisekta lakini pia alimshukuru Mhe. Dkt . Samia Suluhu Hassan kwa kutoa ruzuku bure kwenye zao la korosho lakini pia kwa kutoa pikipiki 558 ambapo Mtwara pikipiki 267 na Lindi 291 , ili waweze kurahisisha upelekaji wa huduma kwa wakulima wa mkoa wa Lindi na Mtwara.

Sambamba na hilo Mhe. Telack alitumia nafasi hiyo kumkaribisha mgeni rasmi, wananchi wote wa ndani ya mkoa wa Lindi pamoja na nje ya mkoa wa Lindi kushiriki Kwenye maonesho ya fursa za madini uwekezaji na biashara ndani ya mkoa wa Lindi kuanzia tarehe 21 mpaka 26 mwezi huu, ili waweze kufika na kujionea madini mbalimbali yanayopatikana ndani ya mkoa wa Lindi. Maonesho hayo yatafanyika katika wilaya ya Ruangwa mkoa wa Lindi.