MWENGE WA UHURU KUFIKIA MIRADI TISA (9) YENYE THAMANI YA TSH. BIL 4.8 MANISPAA YA LINDI.

Imetumwa: April 13th, 2023

Mkuu wa wilaya ya Lindi Mhe. Shaibu Ndemanga amepokea mwenge wa uhuru Aprili 13 kutoka kwa mkuu wa wilaya ya Ruangwa  Mhe. Hassan Ngoma mara baada ya kumaliza mbio zake wilayani humo.

 Baada ya kupokelewa mwenge wa uhuru  mkuu wa wilaya ya Lindi Mhe. Shaibu Ndemanga ulizunguka katika miradi tisa  ndani ya Manispaa ya Lindi yenye thamani ya Tsh. Bil 4.8 lakini pia ulikimbizwa kwa umbali wa kilometa 153.8 ambapo miradi 6 imezinduliwa , miradi 2 imewekewa jiwe la msingi na mradi mmoja umetembelewa.

 Miradi hiyo tisa ni pamoja na  ujenzi wa daraja la Milola, mradi wa kudhibiti uharibifu wa nisitu kwa kutumia teknolojia kinyope, mradi wa kuweka alama za mipaka (beacons) katika vyanzo vya maji , mito, na mabwawa katika Manispaa ya Lindi.klabu ya wanafunzi  ya kupambana na unyanyasaji wa kijinsia , mimba za utotoni ,na ukatili wa kijinsia,  mradi wa lishe eneo la Mangroove kata ya msinjahili,radi wa ujenzi wa kituo cha taarifa za malikale,utalii na makumbusho,mradi wa 10% kwa wanawake,vijana na watu wenye ulemavu,vile vile mwenge wa uhuru ulipata kutembelea katika eneo la dainosaria uwanja wa fisi,baada ya hapo mwenge wa uhuru ulipata kuwka jiwe la msingi katika zahanati ya banduka,mwisho mwenge ulifika katika mradi wa maji mitwero,mkwaya na kitunda.

Baada ya kuzungukia miradi hiyo tisa mwenge wa uhuru ulifika kwenye uwanja wa ilulu ambapo ndiyo ilikuwa eneo la mkesha wa mwenge wa uhuru kwa Manispaa ya Lindi mwaka huu. Viongozi pamoja na watumishi mbalimbali walihudhuria kwenye mkesha huo akiwemo mkurugunzi wa Manispaa ya Lindi Mhe. Juma Mnwele, licha ya kuhudhuriwa na viongozi pamoja na watumishi mbalimbali pia wananchi wa Manispaa ya Lindi walifika katika viwanja hivyo vya Ilulu na kukesha pamoa na mwenge wa uhuru.

Sambamba na mkesha huo shughuli mbalimbali ziliendelea katika uwanja wa ilulu ikiwemo biashara pamoja na burudani kutoka katika vikundi mbalimbali vya sanaa ndani ya Manispaa ya Lindi yote ni kuhakikisha mwenge wa uhuru unakesha katika viwanja hivyo vya Ilulu.