MRADI WA BOOST KUJA KUIMARISHA UFUNDISHAJI NA UJIFUNZAJI WA ELIMU YA MSINGI NA AWALi

Imetumwa: December 23rd, 2022

Mradi wa Boost ni moja ya mradi mbao una simamiwa na wizara ya elimu,mradi huo unatekelezwa nchi nzima lakini kwa upande wa kanda ya kusini mafunzo hayo yamefanyika Mtwara kwa siku mbili ambazo ni Disemba 22 na 23 .Mafunzo hayo yalihusisha afua nane ambazo washiriki walijifunza kwa lengo la Kwenda kufanyia kazi katika halmashauri zao.

Afua ambazo washiriki hao kutoka kila halmashauri walijifunza ni kama vile,kupewa ujuzi katika ujenzi wa miundombinu,mpango wa shule salama,kuongeza uandikishaji kwa wanafunzi wa elimu ya awali,upatikanaji wa vifaa vya kufundishia na kujifunzia,mafunzo endelevu kwa walimu,uimarishaji wa matumizi ya TEHAMA,kuimarisha mipango na bajeti katika maendeleo Pamoja na kuimarisha uongozi na kupambana.Kupitia afua hizi nane washiriki wataenda kuzifanyia kazi ili kufanikisha na kuhakikisha mradi huo wa Boost unafanikiwa.

Sambamba na hilo Afisa elimu wa Mkoa wa Mtwara ndg, Kiduma Mageni aliwaomba washiriki katika mafunzo hayo ya mradi wa Boost Kwenda kutekeleza na kufanyia kazi yale yote ambayo wamejifunza na wameyapata katika mafunzo hayo ndani ya siku mbili ambazo walikuepo mkoani Mtwara.

Katika hatua nyingine  mgeni rasmi kwenye mafunzo hayo  ambae ni Mkurugenzi wa elimu TAMISEMI,Mwalimu Vincent Kayombo,aliongea na washiriki kwa kuwapongeza washiriki hao kwa kushiriki katika mafunzo hayo.

Kayombo alitoa pongezi kwa Dkt Samia Suluhu Hassan kwa jitihada kubwa anazo zifanya katika kutuletea maendeleo katika nchi yetu na uwekezaji mkubwa anao ufanya kwenye sekta ya elimu kwa kutoa fedha kwaajili ya ujenzi wa madarasa nchi nzima.Madarasa ambayo yatajengwa nchi nzima kwaajili ya kuchukua wanafunzi wa kidato cha kwanza mwaka 2023,Lakini pia alimpongeza Dkt Samia kwa kutoa fedha kwaajili ya ujenzi wa mabweni katika shule za wanafunzi wenye uhitaji maalum.

Vilevile Kayombo aliwasisitiza washiriki katika mafunzo hayo kuhakikisha wanafanya kazi ili kufanikisha mradi huu kwa wakati na kutekeleza walicho jifunza  katika mafunzo hayo kupitia afua mbalimbali ambazo walipitishwa na wawezeshaji katika mradi huo,ili kupata maendeleo na kukamilisha malengo ya mradi huo.

Mwisho Kayombo aliwahasa washiriki hao kuhakikisha wanajitahidi kuhamasisha wazazi na walezi kuhusiana suala zima la kuhakikisha Watoto wanapata nafasi ya kuandikishwa darasa la awali na darasa la kwanza ,lakini pia kidato cha kwanza ili kusaidia kutimiza ndoto zao, sambamba na kukamilisha mradi wa Boost.