WADAU WA UCHAGUZI MKOA WA LINDI WAPIGWA MSASA KUHUSU UBORESHAJI WA DAFTARI LA KUDUMU LA WAPIGA KURA.

Imetumwa: January 16th, 2025

Wadau wa Uchaguzi Mkoa wa Lindi wapigwa msasa kuhusu uboreshaji wa daftari la kudumu la wapiga kura kupitia kwa  wataalam kutoka Tumehuru ya Taifa ya Uchaguzi.

Hayo yamefanyika Leo Januari 16, 2025, katika ukumbi wa ofisi ya Mkuu wa Mkoa wa Lindi yakihusisha wadau mbalimbali ndani ya Mkoa wa Huo .

Akongea na wadau hao  wakati akitoa hotuba ya ufunguzi, kwenye kikao cha Tume huru ya Taifa ya Uchaguzi na wadau wa Uchaguzi Mkoa wa Lindi, Makamu mwenyekiti wa Tume Huru ya Taifa ya Uchaguzi Mhe. Jaji (Mst) Mbarouk S. Mbarouk, amesema zoezi hilo kwa Mkoa wa Lindi  litafanyika kwa muda wa siku saba kuanza tarehe 28 Januari mpaka tarehe 03 februari 2025 ambapo vituo vitakua vinafunguliwa kuanzia saa 2:00 asubuhi mpaka saa 12:00 Jioni.

Aidha zoezi hilo la uboreshaji wa daftari la kudumu la mpiga kura kwa mwaka huu  kama ilivyokuwa uboreshaji wa mwaka 2015/2020 linahusisha Matumizi ya teknolojia ya Bayometriki Voters Registration (BVR), ambayo hutumika katika kumtambua mtu na kumtofautisha na mwengine kwakuwa unahusisha uchukuaji wa alama za vidole vya mikono, picha pamoja na saini na kuhifadhiwa katika kanzi data ya wapiga kura.

Sambamba na hilo ametoa rai kwa wadau hao kupitia majukwaa mbalimbali ya kisiasa , kijamii, kiutamuduni,na kiimani, kuwahimiza Wananchi wa Mkoa  wa Lindi kujitokeza kwa Wingi katika kujiandikisha na kuboresha taarifa zao kwenye daftari ka kudumu la wapiga kura.

 Tume inatarajia kuandikisha wapiga kura wapya 121,187 kwa Mkoa wa Lindi .Hii ikiwa ni ongezeko la asilimia 18.7 ya wapiga kura 645,644 waliopo kwenye Dafatari la kudumu la Wapiga kura, ambapo tume inatarajia baada ya uandikishaji huo Mkoa wa Lindi utakuwa na wapiga kura 768,641.

Kauli mbiu ya uboreshaji wa daftari la kudumu la wapiga kura  kwa mwaka 2024/25 inasema :

“Kujiandikisha kuwa mpiga kura ni msingi wa Uchaguzi Bora”