MKURUGENZI WA MANISPAA YA LINDI AKABIDHI KIASI CHA FEDHA SHILINGI MILIONI TATU KWA WANAFUNZI WA SHULE YA SEKONDARI MAALUM YA SAYANSI LINDI WASICHANA.

Imetumwa: September 20th, 2023

Mkurugenzi wa Manispaa ya Lindi ndg Juma Mnwele amekabidhi Kiasi cha Fedha tasilimu shilingi Milioni 3 kwa wanafunzi wa shule maalum ya Sekondari ya sayansi Lindi wasichana kwaajili ya kununua ng'ombe na mchele, ikiwa ni kukabidhi ahadi ya Mhe.Rais Dkt Samia Suluhu Hassan kwa wanafunzi wa shule hiyo ambayo aliitoa Dkt Samia baada ya kufanya ziara shuleni hapo mnamo Septemba 19, mwaka huu.

Aidha baada ya kukabidhi kiasi hicho cha Fedha kwa wanafunzi wa shule hiyo ndg Mnwele amesema licha ya ahadi hiyo pia Mhe. Rais Dkt Samia Suluhu Hassan ameahidi kupeleka gari mpya shuleni hapo litakalo tatua changamoto ya usafiri shuleni hapo.

Sambamba na hilo Afisa elimu Sekondari Manispaa ya Lindi ndg Rehema Nahale amesema baada ya kukabidhiwa Fedha hizo wanafunzi wa shule wanadeni la ufaulu wa daraja la kwanza kwa Mhe. Rais  Dkt Samia Suluhu Hassan.

Kwa upande wa wanafunzi na mkuu wa shule hiyo wamemshukuru Mhe Rais Dkt Samia Suluhu Hassan kwa kutimiza maombi yao waliyo wasilisha baada kutembelea shuleni hapo.

Manispaa ya Lindi ina mshukuru Rais Dkt Samia Suluhu Hassan kwa kutoa Fedha kwaajili ya utekelezaji wa miradi mbalimbali ya  maendeleo ikiwemo Elimu, afya, barabara na maji.