MKURUGENZI AKABIDHI PIKIPIKI MBILI KITENGO CHA LISHE IDARA YA AFYA.

Imetumwa: October 6th, 2022

Serikali Kuu imetoa pikipiki mbili kwa Manispaa ya Lindi kwa ajili ya kitengo cha lishe Idara ya afya.Pikipiki hizo zilipokelewa na Mkurugenzi wa Halmashauri ya Manispaa ya Lindi Ndugu Juma Mnwele ambapo leo tarehe 6/09/2022 amekabidhi pikipiki hizo kwa Mkuu wa kitengo cha Lishe Idara ya afya Bwana Bakari Abdallah .

Tukio la makabidhiano hayo limefanyika ofisi ya Mkurugenzi na kuhudhuriwa na wataalamu mbalimbali akiwemo Mkuu wa Idara ya Afya Ndugu Stanford Mwakatage.

Mkurugenzi wa Manispaa amewataka watumishi waliokabidhiwa pikipiki hizo kuzitumia kwenye eneo la lishe kwa maana ya uratibu,ufuatiliaji na hamasa kwa ujumla wake wa lishe.Kupitia tathimini iliyofanywa Dodoma Mkoa wa Lindi umekuwa  nafasi ya 10 kati ya mikoa yote kwenye suala la lishe ni hatua kubwa kwani kwa miaka ya nyuma Lindi ilikuwa haifanyi vizuri kwenye utekelezaji wa shughuli za lishe.Hivyo kupitia pikipiki hizi itakuwa motisha kwa watumishi katika kutekeleza kwa ufanisi shughuli za lishe.

Aidha,Bw.Mnwele amewaomba wataalumu wa lishe kutumia pikipiki hizo kwenye idara kwani suala la lishe ni mtambuka hivyo yeyote yule atumie ili kuhakikisha suala la lishe linawafikia wananchi vilevile amewaomba kuzitunza pikipiki hizo ili ziweze kutumika kwa muda mrefu.Pia pikipiki zionekane zikitumika na ikitokea mtu amekabidhiwa na akahama basi akabidhi pikipiki kwa Mkuu wa Idara ya Afya.