MIRADI YA TASAF IWANUFAISHE WALENGWA, DC - NDEMANGA.

Imetumwa: July 27th, 2023

Mkuu wa wilaya ya Lindi Mhe.Shaibu Ndemanga amefanya ziara na kutembelea walengwa wa mpango wa kunusuru kaya masikini (TASAF) katika kijiji cha Chilala na kujadili mambo mbalimbali ikiwemo umuhimu wa kulinda na kutumia vizuri mapato yatokanayo na mauzo ya mazao hasa ufuta na korosho.

Aidha Dc Ndemanga alitumia nafasi hiyo kuwarejeshea fedha walengwa hao kiasi cha Tsh 1,085,000 ambacho walidhulumiwa pindi walipouza ufuta kwa mtu binafsi kwa Tsh 2700 badala ya kuuza kwa Tsh 4021 kwa kilo katika chama cha msingi.

Lakini pia DC Ndemanga amesisitiza pesa hiyo itumike vizuri kwa kukopesha kwa wanavikundi ili iweze kuwanufaisha na kupunguza changamoto ndogo ndogo katika kaya zao.

Sambamba na hilo DC Ndemanga alizungumzia umuhimu wa wazazi kuwapeleka watoto shule na aliwapongeza kwa utunzaji mzuri wa mazingira katika kijiji hicho na hasa katika vyanza cha Maji. 

Katika hatua nyingine Dc Ndemanga alitembelea na kukagua maendeleo ya ujenzi wa madarasa  ya mradi wa BOOST shule ya msingi Chilala  na kumtaka mwl mkuu kuhakikisha kazi zilizobaki zikamilike kabla ya tarehe 30/07/2023, kazi hizo ni pamoja na kukamilisha kuweka malu malu katika sakafu za madarasa sehemu zilizobakia, Kusafisha rangi katika fremu za milango pamoja na kupaka vanishi katika fremu za milango.