“MIAKA 61 YA UHURU LINDI IMEPIGA HATUA KUBWA KIMAENDELEO”-DC NDEMANGA

Imetumwa: December 9th, 2022

Maadhimisho ya miaka 61 ya Uhuru wa Tanganyika mwaka huu ambayo ki wilaya yamefanyika kwenye Halmashauri ya manispaa ya Lindi ambayo yalifanyika kwenye viwanja vya shule ya msingi Mpilipili ambapo pia yalienda sambamba na siku 16 za kupinga ukatili wa kijinsia, yalikua ni moja ya maadhimisho ambayo yalifana sana kulingana na uwepo wa burudani mbalimbali  ambazo zilipelekea wageni waalikwa kufurahia na kupata elimu.Pia kupitia maadhimisho hayo. Mkuu wa wilaya ya Lindi, Mhe. Shaibu Ndemanga alitumia nafasi hiyo kuongea na wananchi kuhusiana na  hali ya maendeleo ambayo wilaya ya Lindi yamepata baada ya uhuru  ukilinganisha na kipindi ambacho tulikuwa hatuja pata uhuru. Ndemanga aligusia maendeleo katika sekta mbalimbali ikiwemo Elimu,Afya ,Miundombinu pamoja na uwepo wa Halmashauri mpya ambapo mwanzoni tulikuwa na Halmashauri moja tu ambayo ni Halmashauri ya Lindi lakini kwa sasa hivi tumepiga hatua na tumepata Halmashauri ya Mtama. .

Miongoni mwa mambo aliyo zungumzia kwenye upande wa elimu ni kwamba wilaya ya Lindi sasa imefanikiwa kuwa na shule za msingi na sekondari takribani kila kata pia kwa upande wa vyuo  tumefanikiwa kupata vyuo vya ufundi stadi (VETA) na pia wilaya imebahatika kuwa na chuo kikuu huria.

Ndemanga pia aligusia upande wa Afya ambapo alizungumzia jitihada mbalimbali ambazo zina  fanyika na madaktari pamoja na manesi wetu kuhakikisha wananchi wanakuwa na afya bora, lakini pia uwepo wa madkati na manesi wa kutosha katika maeneo ya kutolea huduma za afya.

Vile vile alizungumzia uwepo wa vifaa tiba vya kutosha katika zahanati na vituo vyetu vya kutolea huduma za afya.

Sambamba na hilo alizungumzia maendeleo tuliyo yapata kwenye upande wa miundombinu, ambapo kwa sasa barabara  ni nzuri na pia zina pitika ukilinganisha na kipindi cha nyuma ambapo, ilikua ina mlazimu abiria kusafiri  ya siku sita kutoka Lindi kwenda Dar es salaam.

Kwa upande mwingine Mkurugenzi wa  manispaa ya Lindi Mhe, Juma Mnwele, alizungumzia  suala la ukatili kwa watoto na wamama, ambapo alisema “ italeta faraja tuki adhimisha ,miaka 61 ya Uhuru wa Tanganyika tukiwa  na jamii ambayo ina fahamu, inatambua na imepunguza suala hili la unyanyasaji  wa kijinsia ” Lakini pia alitumia nafasi hiyo kutoa pongezi kwa Halmashauri ya Mtama kwa kujitokeza kwa wingi kwenye maadhimisho hayo ya miaka 61 ya  Uhuru wa Tanganyika.

Vilevile, mgeni rasmi alipata nafasi ya kutoa zawadi  ya daftari kwa wanafunzi mbalimbali ambao walishiriki katika zoezi la kuandaa ushairi wa kupinga ukatili  kutoka  kwenye shule za msingi na sekondari ambapo kwenye shule za msingi  zilizo shiriki zilikuwa ni shule 11 na kwa upande wa sekondari zilikuwa shule 3.

Mkuu wa wilaya ya Lindi Mhe. Shaibu Ndemanga akikabidhi zawadi ya madaftari kwa wanafunzi walioshinda zoezi la uandishi wa mashairi

Mwishoni, mgeni rasmi alipata zawadi ya kitabu cha ushairi (Diwani) ya  Amri Abeid Kaluta, ambapo zoezi hilo lilifanywa mkurugenzi wa Tanzania  Child Welfare (TCW) ambae pia ni  Mwenyekiti wa (UKUTA) taifa.

Mkuu wa wilaya ya Lindi Mhe. Shaibu Ndemanga akikabidhiwa zawadi ya vitabu vya ushairi