MEI MOSI MKOANI LINDI YAFANA.

Imetumwa: May 1st, 2021

Maadhimisho ya siku ya wafanyakazi duniani ambapo kilele cha maadhimisho hayo mkoani lindi yamefanyika uwanja wa ilulu Halmashauri ya Manispaa ya Lindi,maadhimisho hayo yameudhuriwa na wafanyakazi wa taasisi mbalimbali za kiserikali na zisizo za kiserikali miongoni mwa taasisi zilizojitokeza kuadhimisha siku hiyo muhimu ni RUWASA,TUCTA,LUWASA,TRA,TANROADS,CRDB,NSSP,TUICO,TUGHE,TALGWU,VETA,NHC,TFS,TANESCO,CWT,TPB na TTCL.Kauli mbiu ya Mei mosi 2021 ni “Maslahi Bora,Mishahara Juu,Kazi iendelee”Mgeni rasmi ambaye alimuwakilisha Mkuu wa  Mkoa ni Mkuu wa wilaya ya Liwale Ndugu Sarah Chiwamba akiongozana na viongozi mbalimbali akiwemo Katibu Tawala wa Mkoa wa Lindi ndugu Rehema Madenge.Maadhimisho hayo yamepambwa kwa burudani na michezo mbalimbali ikiwemo kukimbiza kuku.

Mgeni rasmi amewapongeza viongozi wa taasisi mbalimbali kwa maandalizi mazuri ya siku hiyo muhimu kwa wafanyakazi.Mgeni rasmi amewataka wafanyakazi wote kutimiza haki na wajibu kwenye maeneo yao yakazi,Kuepuka migogoro ,Kushirikiana na viongozi ,na kwa upande wa walimu kuhakikisha wanafunzi wanalelewa vizuri kwa maana kwa wawachukulie wanafunzi hao kama watoto wao wa kuwazaa hii ni kuepusha pia mahusiano baina ya mwalimu na mwanafunzi.Amesema pia tatizo la upungufu wa watumishi linashughulikiwa kwa maana kwamba serikali imeshatanga ajira elfu 40 ambazo zitatoka hivi karibuni,Pia serikali inaendelea kuboresha miundombinu ya utendaji kazi kwa watu wenye uhitaji maalumu(walemavu na waathirika wa virusi vya ukimwi.Mgeni rasmi amewasisitiza wafanyakazi kuzingatia nidhamu nawajibu katika utendaji kazi ili kuongeza ufanisi kazini.

                                                                 Mgeni rasmi katikati akisindikizwa kwenda kuhutubia.

                                   Mgeni rasmi akipatiwa elimu alipotembelea banda la TANESCO kwenye maadhimisho ya Mei Mosi.