MANISPAA YA LINDI YAPONGEZWA NA KIONGOZI MBIO ZA MWENGE KITAIFA.

Imetumwa: April 27th, 2022

Tarehe 26/04/2022 Halmashauri ya Manispaa ya Lindi imepokea Mwenge wa Uhuru kutoka Halmashauri ya Mtama ambapo miradi tisa yenye thamani  ya shilingi bilioni 5.38 imefikiwa.Miradi hiyo ni Mradi wa kilimo hai,uzinduzi wa chanjo ili kutokomeza homa ya mapafu ya mbuzi,kuweka jiwe la msingi ujenzi wa kituo cha afya Ng’apa,kuweka jiwe la msingi ujenzi wa vyumba viwili vya madarasa shule ya sekondari Angaza,kuzindua kituo cha mafuta cha LIVE FUEL&SERVICE STATION,kutembelea mradi wa maji Mitwero/mkwaya/kitunda,Kutoa hati kwa wananchi waliomilikishwa kupitia zoezi la urasimishaji makazi,kushiriki zoezi la kuweka anwani za makazi na kukabidhi vitendea kazi kwa vikundi vya wanawake,vijana na wenye ulemavu.Miradi yote imekubaliwa.

Kiongozi wa Mbio za Mwenge kitaifa Ndg.Sahili Nyazabara Geraruma akitoa neno alipotembelea mradi wa ujenzi wa vyumba viwili vya madarasa shule ya sekondari Angaza.

Kiongozi wa mbio za Mwenge kitaifa mwaka 2022 Ndugu Sahili Nyanzabara Geraruma ameipongeza Manispaa ya Lindi kwa kazi kubwa wanayoifanya kwenye utekelezaji na usimamiaji wa miradi.Pia amewashauri viongozi wa Mkoa,Wilaya na Halmashauri kuzidi kuongeza nguvu kwenye usimamizi wa miradi ili iweze kujengwa kwenye ubora unaotakiwa na kuhakikisha nyaraka muhimu zinakuwepo muda wote pale zitakapohitajika kwani serikali inafanya kazi kwenye karatasi.

Aidha amewakumbusha wananchi kujitokeza kuhesabiwa siku ya sensa inayotarajiwa kufanyika tarehe 23/08/2022 ili kuwezesha serikali kupata idadi sahihi ya watu.Bwana Geraruma amesema“Kama mkuu wa kaya atatoka siku ya kuhesabiwa (sensa)basi hakikisha mtu mzima mmoja anabaki ili kuweza kutoa taarifa sahihi pale karani wa sensa atakapotembelea kaya hiyo”.

Kiongozi wa Mbio za Mwenge akiongea na wananchi wa Wilaya ya Lindi mara baada ya kupokea Mwenge Kutoka Wilaya ya Mtama.

Vilevile,amewatoa wasiwasi wananchi juu ya matumizi ya taarifa binafsi zitakazochukiwa siku ya sensa kuwa taarifa hizo ni kwa ajili tu ya sensa na si vinginevyo na ikitokea mtu amezitumia tofauti na malengo basi hatua kali zitachukuliwa dhidi yake.

Mwenge wa Uhuru umekabidhiwa leo asubuhi kwa Wilaya ya Ruangwa.

Mkuu wa Wilaya ya Lindi Ndugu Shaibu Ndemanga akikabidhi Mwenge wa Uhuru kwa Mkuu wa Wilaya ya Ruangwa.