LINDI MANISPAA YAIBUKA KINARA MICHEZO YA UMISSETA 2024.

Imetumwa: June 8th, 2024

Ikiwa Leo Juni 08, 2024 ni kilele cha mashindano ya UMISSETA Mkoa wa Lindi Halmashauri ya Manispaa ya Lindi yaibuka kinara katika mchezo wa mpira wa Miguu kwa upande wa wavulana pamoja na mpira wa kikapu, ambapo kwa mpira wa miguu wamefanikiwa kushinda mabao matatu kwa moja dhidi ya timu kutoka Halmashauri ya Nachingwea, na kwa upande wa kikapu Lindi Manispaa imeshinda mabao 154 kwa 33 dhidi ya Halmashauri ya Mtama 

Akitoa hotuba yake kaimu katibu tawala Mkoa wa Lindi ndg, Majid Myao amewapongeza wanamichezo takribani 710 kutoka wilaya zote ndani ya Mkoa wa Lindi kwa juhudi kubwa walizozifanya katika kupambana na kutengeneza timu ya Mkoa ambayo itahusisha wanamichezo 110 ambao watakwenda kuuwakilisha Mkoa wa lindi katika nashindano ya Kitaifa yatakayofanyika  mkoani  Tabora.

Aidha Myao amewapongeza Wakurugenzi wa  Halmashauri zote kwa maandalizi mazuri katika kuhakikisha michezo hii inaendelea kwa kutoa sare kwa wanamichezo.

Sambamba na hilo amepongeza wadau ambao kwa namna moja ama nyingine wamesaidia  kwa kuchangia   fedha na vitu mbalimbali na kuhakikisha wanamichezo hao wanaendelea na mashindano ya UMISSETA  kwa ngazi ya wilaya na Mkoa, ikiwemo bank ya CRDB.

Katika hatua nyingine Myao amewatakia safari njema wanamichezo wote ambao hawajapata nafasi ya kwenda kuwakirisha Mkoa pamoja na wale wote ambao wanakwenda kuwakirisha Mkoa wa Lindi Kitaifa huko mkoani Tabora.