LINDI KINARA KWENYE UTOAJI CHANJO YA UVIKO-19.

Imetumwa: September 28th, 2021

Mkoa wa Lindi umeongoza kuwa ni mkoa wa kwanza kwenye utoaji chanjo ambapo idadi kubwa ya wananchi wake wanamwamko mkubwa wa kupata chanjo ya UVIKO-19,Huku Halmashauri ya Manispaa ya Lindi ikiwa kinara ukilinganisha na Manispaa zingine mkoa wa Lindi.Mafunzo juu ya uhamasishaji na uelimishaji kwa wataalamu yametolewa kupitia semina ya PHC ambapo wajumbe mbalimbali wamejitokeza kushiriki semina hiyo wakiwemo viongozi wa dini,maafisa usalama,maafisa ustawi wa jamii na wengineo ili kuweza kupata elimu ya kutosha ya kuweza kuwawezesha kuelimisha wananchi juu ya ugonjwa wa UVIKO-19  na athari zake lakini pia faida za kupata chanjo hiyo.

Katibu Tawala wa Wilaya ya Lindi ndugu Thomas Safari alipata wasaa wa kuzungumza machache kwa washiriki wa semina hiyo ambapo alisema’’ Sisi tuwe mfano wa kupata chanjo ili tuweze kuwahamasisha wengine’’ akiwa na maana kwamba ili tuweze kuhamasisha lazima wataalamu na viongozi kuweza kupata chanjo ili kuwa mfano kwa wengine washawishike kupata chanjo hiyo lakini pia alisema chanjo hiyo inakupa fursa mbalimbali ikiwemo kusafiri nje ya nchi.

                                       Katibu Tawala wa Wilaya ndugu Thomas Safari akiotoa neno kwa wajumbe wa kamati ya PHC.

                                            Takwimu za tarehe 27/09/2021 ya chanjo dhidi ya UVIKO-19.