KIKUNDI CHA VIJANA CHA TUKWAMUE CHA KABIDHIWA PIKI PIKI YENYE THAMANI YA SHILINGI 3,130,000.00.

Imetumwa: February 19th, 2025

Kikundi cha vijana Cha Tukwamue kilichopo katika kata ya ya Chikonji Halmashauri ya Manispaa ya Lindi Cha KABIDHIWA piki piki yenye thamani ya shilingi 3,600,000.00 kupitia Mkopo wa 10% Kwa Vijana, Wanawake na watu wenye ulemavu.

Akikabidhi piki piki Kwa kikundi hicho Diwani wa kata hiyo Mhe. Fatuma Ally amewaomba wanakikundi hao kutunza kifaa hicho ambacho kinakwenda kutumika katika kufanyis biashara ya Boda Boda , ili kiweze kurudisha pesa waliyopatiwa.

Nae mkuu  idara ya maendeleo ya Jamii. Halmashauri Manispaa ya Lindi Peter Nambunga ameipongeza serikali Kwa kuendelea kutoa mikopo hii ya 10% kwa Vijana , Wanawake na watu wenye ulemavu, Kwani Kwa kiasi kikubwa huwasaidia Vijana na kuwatoa kwenye dimbwi la umasikini.

Akisoma taarifa ya idara ya maendeleo ya Jamii Afisa maendeleo ya Jamii kata ya Chikonji Dickson  Peter amesema mikakati mbalimbali imefanywa na idara hiyo katika kata hiyo ikiwa ni pamoja na Kuendelea kutoa elimu ya uundwaji wa vikundi na masuala ya mikopo, matumizi sahihi ya fedha na marejesho kwa jamii ili kujiweka tayari pale fursa zinapotokea, Kuendelea kutoa elimu ya masuala mtambuka kwa jamii, pamoja na Kuendelea kufanya ufuatiliaji wa marejesho kwa vikundi vilivyokopeshwa, ikiwa ni pamoja na kuiita  vikundi katika  kikao cha WDC na Ofisi ya Maendeleo ya jamii.

Ikumbukwe kuwa kata ya Chikonji imepata Mkopo wa asilimia 10% Kwa vikundi vitatu vya Wanawake, kikundi kimoja Cha vijana pamoja na mlemavu mmoja.

Vikundi hivyo ni Twaweza group (Wanawake)     Mkopo wa shilingi 2,500,000.00

Nguvu kazi    (Wanawake)  Mkopo wa shilingi 2,000,000.00

Tunaweza  (Wanawake)   Mkopo wa shilingi 3,000,000.00, Vikundi vingine ni pamoja naTukwamue  (Vijana)   Mkopo wa shilingi 3,600,000.00 ( pikipiki) pamoja na Selemani Yusufu Waziri (Mlemavu) Mkopo wa shilingi 800,000.00.