KIKAO CHA WADAU WA LISHE MANISPAA YA LINDI.

Imetumwa: October 6th, 2023

Kikao hicho kimefanyika katika ukumbi wa mikutano wa DDC uliopo Manispaa ya Lindi Septemba 26, 2023 huku mgeni rasmi akiwa ni mkuu wa wilaya ya Lindi Mhe. Shaibu Ndemanga,  kikihusisha wadau mbalimbali wa masuala ya lishe ndani ya Manispaa ya Lindi ikiwemo wamiliki wa mashine za kusagia mahindi,baadhi ya waalimu wakuu wa shule za msingi na Sekondari pamoja na wadau wa masuala ya uongezaji virutubishi kwenye unga wa mahindi (SANKU).

Akizungumza na wadau hao mkuu wa wilaya ya Lindi amesisitiza matumizi mazuri ya chakula chenye virutubisho kwa wanafunzi wa shule za msingi na Sekondari.

Aidha amesisitiza wamiliki hao wa mashine zinazotumika kusagia mahindi kuwa na umoja  miongoni mwao.

Sambamba na hilo mkurugenzi wa Manispaa ya Lindi ndg Juma Mnwele amewaomba wamiliki hao wa mashine kuendelea kuzalisha kwa wingi vyakula vyenye virutubisho ili afya za wanafunzi wa shule za msingi na Sekondari ziendelee kuimarika.

Katika hatua nyingine mganga mkuu wa Mkoa wa Lindi Dr. Kheri kagya amewaomba wamiliki hao wa mashine za kuzalisha unga wenye virutubisho kuendelea kuwa na umoja na mshikamano katika kazi zao lakini pia kuhakikisha wana ongeza thamani ya  bidhaa  wanazo zalisha.

Kwa upande wa wadau wa SANKU wametoaushauri kwa wamiliki wa mashine zinazo tumika kusagia unga wa mahindi  juu ya matumizi  ya teknolojia ya uchanganyaji wa unga na virutubishi muhimu kwasababu ya faida nyingi zinazo patikana kwenye mashine hizo

ikiwemo uzalishaji wa unga wenye virutubisho kwa kiasi kikubwa.

lakini pia Wadau wa SANKU wamekuja na ofa kubwa kwa wamiliki wa mashine kwa kuwapa bure mashine za  kuchanganya unga na virutubishi kwa masharti madogo lengo ni kuboresha hali ya lishe kwa wananchi wa  Manispaa ya Lindi.