Kikao cha Maandalizi ya Mpango na Bajeti ya Afua za Lishe ngazi ya Halmashauri kwa mwaka 2025/2026.

Imetumwa: December 23rd, 2024

Kikao hicho kimefanyika Leo Desemba 23,2024 katika ukumbi wa mikutano wa Halmashauri ya Manispaa ya Lindi, likiwa na lengo la kujadili na kupitia bajeti ya Afua mbalimbali za Lishe kwa kipindi cha mwaka 2025/26.Akiongea na wajumbe wa kikao hicho mara baada ya Ufunguzi wa kikao hicho Mweyekiti wa Kikao hicho ambaye ni mkurugenzi wa Manispaa ya Lindi Juma Mnwele, ameomba idara mtambuka kuhakikisha zinafanya ufuatiliaji na kuhakikisha suala la lishe linapewa kipaumbele.

Hata hivyo mkurugenzi alisisitiza wakati wa uandaaji wa bajeti ya Lishe kuzingatia shughuli zinazopangwa ziakisi uhalisia wa masuala ya Lishe kama  miongozo inanvyoelekeza utengaji wa bajeti kwenye *Objective Y*.Sambamba na hilo mwenyekiti  aliwataka wadau wote kutoka Idara Mtambuka na Idara mama kuweka vipaumbele zaidi katika shughuli zinazomlenga moja kwa moja mtoto chini ya umri wa miaka mitano (direct cost) ili kukabiliana na changamoto za kilishe zinazowakabili walengwa hao na kupunguza vipaumbele katika indirect cost.