KAMATI YA SIASA (CCM )MKOA WA LINDI YATEMBELEA MIRADI YA MAENDELEO JIMBO LA LINDI MJINI.

Imetumwa: June 23rd, 2024

Kamati ya Siasa ya Halmashauri kuu ya CCM Mkoa wa Lindi chini ya Mwenyekiti wa CCM Mkoa wa Lindi Alhaji Hassan Jarufu, Leo Juni 23, 2024 imeendelea na ziara yake kwa kutembelea na kukagua miradi mbalimbali ya maendeleo inayotekelezwa na serikali ndani  ya Halmashauri ya Manispaa ya Lindi hususan kwa jimbo la Lindi mjini ikiwemo Zahanati ya Banduka iliyopo kata ya Rasbura wenye thamani ya shilingi 50,000,000.00 pamoja na   Ujenzi bweni la wanafunzi mahitaji maalumu shule ya msingi Mpilipili iliyopo kata ya Nachingwea wenye thamani ya shilingi 128,000,000,00.

Aidha Jarufu amewaomba wakazi wa kata ya Nachingwea na Rasbura kujitokeza kwa wingi katika zoezi la uandikishaji wa Daftari la kudumu la wapiga kura ili kupata urahisi wa kuchagua viongozi bora kupitia uchaguzi wa Serikali za mitaa.

Lakini pia ametoa pongezi kwa Uongozi wa Halmashauri ya Manispaa ya Lindi akiwemo Mstahiki Meya wa Manispaa ya Lindi Mhe. Frank Magali, mkurugenzi wa Manispaa pamoja na timu yake kwa kusimamia vizuri miradi yote ya maendeleo inayotekelezwa na serikali ndani ya Halmashauri ya Manispaa ya Lindi.