GIRL GUIDE NA GIRL SKAUTI MKOA WA LINDI KUPANDA MITI YA MATUNDA NA VIVULI SHULE YA SEKONDARI ANGAZA.

Imetumwa: February 25th, 2023

Umoja wa skauti wanawake  mkoa wa Lindi (GIRL GUIDE) umepanda miti ya matunda na vivuli katika shule ya sekondari Angaza,tukio hilo limefanyika siku ya tarehe 25 ambayo ilikuwa ni siku ya kufikiri duniani9(WORLD THINKING DAY)Maadhimisho ambayo kaulimbiu yake ilikuwa ni "DUNIA YETU,MUSTAKABALI WETU WA AMANI,MAZINGIRA NA USAWA WA KIJINSIA".Zoezi hilo la upandaji wa miti hiyo limefanyika katika shule ya sekondari Angaza na kuhudhuliwa na viongozi mbalimbali akiwemo Afisa Maendeleo ya jamii Ndg, Moses Mkoveke ambaye alikuwa ana muwakilisha Mhe, Mkuu wa wilaya ya Lindi Mhe, Shaibu Ndemanga.Lakini pia tukio hilo limehudhuriwa na afisa mazingira Manispaa ya Lindi,mtendaji kata wa kata ya wailesi mwalimu mkuu wa shule ya sekondari  Angaza pamoja na wanafunzi wa shule ya sekondari  Angaza,Shule ya msingi Msinjahili, Stadium pamoja na shule ya msingi Mtuleni.Hiyo yote ni kuwakumbuka waasisi wao wa skauti ambao ni (Lord Baden Powell) pamoja na na girl guide na girl skauti (Olave Baden Powell)

Katika maelezo yao kwenye risala  wasichana wa Girl guides walisema, katika juma hilo la kutafakari wamefanya shughuli mbalimbali ambazo zimewawezesha kutambua umuhimu wa maelewano ya asili na haja ya mfumo ya ikolojia yenye usawa.

Kwenye eneo la shule ya sekondari Angaza wamepanda miti ya matunda kama vile miembe,machungwa,mipera na mipapai.Lakini pia bustani ya mbogamboga kwa lengo la kukabiliana na janga la ukame lakini pia kuboresha lishe ya wanafunzi na kupendezesha madhari ya shule yao.Girl guide pia walitoa shukrani kwa TGGA kwa kuwawezesha fedha kwaajili ya ununuzi wa miche ya matunda ,lakini pia walitumia nafasi hiyo hiyo kuwashukuru wakala wa misitu (TFS) kwa kuwapatia miche ya kivuli.

vilevile kwenye risala yao pia walibainisha changamoto mbalimbali ambazo wamekuwa wakikutana nazo ambazo hukwamisha ndoto zao ni kama vile,ukosefu wa miundombinu ya maji safi(LUWASA) ambayo inapelekea jitihada zao za kuanzisha klabu za kijani kukwama,kwani kwa sasa wanategemea sana maji ya mvua au kuteka maji kutoka maeneo ya mbali,jambo linalohatarisha ulinzi na usalama kwa wasichana hao.

Mwisho mgeni rasmi katika tukio hilo la upandaji wa miti Ndg,Moses Mkoveke alipata nafasi ya kupanda mti,vile vile alitumia nafasi hiyo kumpongeza mwalimu mkuu washule ya sekondari Angaza kwa juhudi ambazo anazifanya katika kuhakikisha mazingira ya shule hiyo yanakuwa mazuri.Lakini pia alipata nafasi ya kuongea na wanafunzi waliohudhuria katika tukiko hilo kwa kuwasisitiza waendelee kupanda miti mpaka pale watakapo ishiwa na nguvu.Mkoveke pia alitumia nafasi hiyo kuwaalika Girl guide katika siku ya wanawake, ambayo kimkoa inafanyika Nachingwea siku ya tarehe 3/4 mwezi wa tatu,hivyo wafike na kupeleka bidhaa zao katika siku hiyo wa wanawake kimkoa wa Lindi.