DKT. SAMIA SULUHU HASSAN AWASIHI WANAFUNZI WA SHULE YA SEKONDARI LINDI WASICHANA KUSOMA KWA BIDII.

Imetumwa: September 19th, 2023

Rais wa Jamhuri ya muungano wa Tanzania Mhe.Dkt. Samia Suluhu Hassan amewasihi wanafunzi wa shule maalum ya sayansi ya Sekondari Lindi wasichana iliyopo kijiji cha Kilangala Jimbo la Mchinga Manispaa ya Lindi kusoma kwa bidii kwenye masomo yao.

Hayo ameyasema  Septemba 19,2023 baada ya kufanya ziara ya kikazi ya kutembelea miradi mbalimbali inayo tekelezwa na serikali ikiwemo mradi wa ujenzi wa shule  hiyo.

Aidha ameahidi kupeleka gari  shuleni hapo baada ya wanafunzi hao kuomba gari, sambamba na hilo Dkt Samia ameahidi kupeleka barabara yenye kiwango cha rami rami kutoka barabara kuu mpaka shuleni hapo.

Pamoja na hayo Dkt Samia amewashukuru wananchi wa kijiji cha Kilangala kwa kufika kwa wingi kwenye mkutano huo pamoja na Mapokezi mazuri katika ziara yake.

Katika hatua nyingine Dkt Samia suluhu Hassani Ameweka jiwe la msingi katika shule ya Sekondari  Lindi wasichana ambayo kwa sasa imepata mgao wa wanafunzi wa kidato cha tano 126 katika tahasusi za CBG, PCB, na PGM ambapo  wanafunzi 87 kati ya 126 wameripoti na wanaendelea na masomo.