DC-NDEMANGA AZINDUA KAMPENI YA UPANDAJI MITI MKOA WA LINDI.

Imetumwa: April 19th, 2023

Mkuu wa wilaya ya Lindi Mhe. Shaibu Ndemanga akimuwakilisha mkuu wa mkoa wa Lindi Mhe. Zainabu Telack,ameongoza zoezi la upandaji wa miti katika shule ya sekondari ya wasichana Kilangala, iliyopo katika kata ya Kilangala Manispaa ya Lindi.

Akizungumza na wakazi wa kata ya Kilangala Mhe. Ndemanga amewahimiza wakazi hao juu ya suala zima la upandaji miti ikiwemo miti ya matunda na vivuli katika maeneo yao, Kwasababu miti inaleta manufaa makubwa kiuchumi, hali ya hewa,ikolojia ya viumbe, hifadhi ya mazingira pamoja na upatikanaji wa chakula.

Sambamba na hilo Dc, Ndemanga amewaomba wakazi wa kata ya kilangala na maeneo ya jirani kuwa mlinzi wa mazingira kwa miti inayopandwa ikiwemo miti ya matunda,mbao,  vivuli, pamoja na mikorosho.

Katika hatua nyingine Dc, Ndemanga amesisitiza zoezi hilo la upandaji wa miti liwe ni la mkoa mzima na lihusishe upandaji wa miti ya Matunda kwa shule zote za msingi na sekondari kwasababu mkoa wetu una uhaba wa miti ya maunda.

Vile vile Dc, ametoa maelekezo kwa kamati za maliasili kwa kila kijiji ziweze kuhakikisha zinalinda misitu katika vijiji vyao, lakini pia Dc, Ndemanga alitumia nafasi hiyo kumpongeza na kumuunga mkono Rais wa jamhuri ya muungano wa Tanzania Dkt, Samia Suluhu Hassan kwa jitihada kubwa anazozifanya katika shughuli mbalimbali za maendeleo ikiwemo kuboresha huduma za kijamii ikiwemo elimu, maji, na afya.

Awali katibu tawala mkoa wa Lindi Bi Zuwena Omari akiongea na wakazi wa kata ya Kilangala aliwaomba wakazi hao kutokata miti wakati wa kusafisha mashamba yao.Kwa upande wa mkurugenzi wa Manispaa ya Lindi Ndg, Juma Mnwele wakati wa kutoa taarifa ya shule ya wasichana Kilangala  alitumia nafasi hiyo pia kutoa pongezi pongezi kwa ofisi ya mkuu wa mkoa wa Lindi lakini pia alitoa pongezi kwa wakazi wa kata uya Kilangala kwa kutoa eneo kwaajili ya ujenzi w shule hiyo ya wasichana Lindi .

Mwisho alitumia nafasi hiyo kuwasisitiza wakazi wa kata  ya Kilangala kuhakikisha wanapanda miti na kuisimamia miti hiyo.