DC NDEMANGA ATOA WITO KWA WATENDAJI KATA KUFANYA VIKAO VYA LISHE KATIKA NGAZI ZA MSINGI.

Imetumwa: July 13th, 2023

Mkuu wa wilaya ya Lindi Mhe. Shaibu Ndemanga atoa wito kwa maafisa watendaji wa kata ndani ya Manispaa ya Lindi kufanya vikao vya lishe katika ngazi za msingi.

Wito huo ameutoa Julai 13, 2023 kwenye kikao cha tathmini ya utekelezaji wa mkataba wa lishe kwa kipindi cha robo ya nne(Aprili- Juni ) , 2022/2023.

 Kikao ambacho kimefanyika katika ukumbi wa mikutano wa DDC uliopo Manispaa ya Lindi kikihusisha wakuu wa idara pamoja na maafisa watendaji wa kata zilizopo ndani ya Manispaa ya Lindi.  

Aidha Ndemanga amesisitiza watendaji kata kusimamia suala la lishe katika kata zao ili kuifanya Manispaa ya Lindi iwe katika nafasi nzuri kwenye suala la lishe, lakini pia alizungumzia suala la upatikanaji wa chakula kwa wanafunzi mashuleni pamoja na uanzishwaji wa bustani za mboga mboga mashuleni ili kuwafanya wanafunzi wapate lishe bora wakiwa mashuleni.