DC MWANZIVA AZINDUA KLABU YA MAZOEZI MNAZI MMOJA.

Imetumwa: February 22nd, 2025

Mkuu wa Wilaya ya Lindi Mhe. Victoria Mwanziva amezindua klabu ya mazoezi kata ya Mnazi mmoja Manispaa ya Lindi ijulikanayo kama Mnazi Mmoja Jogging Klabu, tarehe 22 Februari 2025, tukio ambalo limefanyika katika shule ya Msingi Mnazi Mmoja.

Akiongea na wanamichezo hao mara baada ya kufungua klabu hiyo DC Mwanziva amewapongeza wote kwa  kujitokeza kwenye mazoezi hayo sambamba na kuunda klabu hiyo.

Aidha DC Mwanziva  amesisitiza Wanakikundi hao kuwa na umoja pamoja na ushirikiano miongoni mwao ili waweze kufikia malengo yao.

Akisoma risala yake Mbele ya mgeni rasmi mwenyekiti wa klabu hiyo Ally Omari amesema kikundi hicho kimeanzishwa mwaka 2024 ambapo mpaka kufikia Sasa kina jumla ya washiriki 28.

Akielezea mafanikio yaliyopatikana kupitia Kikundi hicho Ally amesema ni pamoja na kuwaunganisha Vijana  mbalimbali katika kata yao lakini pia kutengeneza umoja miongoni mwao.

Mafanikio mengine ambayo yamepatikana kupitia kikundi  hicho ni pamoja na kikundi kuchangia chupa kumi na Moja za damu  kwenye, siku ya wafanyakazi mwaka 2024.

Akitaja changamoto wanazokutana nazo katika Kikundi Chao Ally amesema ni pamoja na ukosefu wa Vifaa vya michezo, kama vile Jezi, lakini pia imani potofu kwa Wananchi Kwani wanaamini wanaofanya mazoezi ni watu wenye magonjwa.

Nae Diwani wa kata hiyo Mhe. Saidi Mchinjita amesisitiza wanakikundi hao kuwa na umoja lakini pia Kuendelea kukutana kila siku Kwaajili ya kufanya mazoezi pamoja na kuimarisha Afya zao.

Katika hatua nyingine katibu wa mbunge Jimbo la Lindi Mjini Issa Ngasha Akimuwakilisha Mbunge wa Jimbo hilo  Mhe. Hamida Abdallah amekipongeza Kikundi hicho Kwa kuanzisha klabu hiyo ambayo inakwenda kuunganisha idadi kubwa ya watu sambamba na kuimarisha Afya.