KIKAO CHA BARAZA LA MADIWANI ROBO YA NNE APRIL-JUNI 2020/2021

Imetumwa: July 30th, 2021

Kikao cha baraza la Madiwani kujadili taarifa ya robo ya nne kwa kipindi cha April-Juni 2020/2021 kimefanyika leo tarehe 30/07/2021 katika ukumbi wa Mtakatifu Andrea Kaggwa.Kikao hicho kimhudhuriwa na wajumbe wa baraza la Madiwani,Mstahiki Meya wa Manispaa, Kaimu Mkurugenzi wa Manispaa, Viongozi wa vyama vya kisiasa Wataalam na Wakuu wa Idara mbalimbali.

Mstahiki Meya Mhe. Frank Magali ametoa hotuba ambayo ilijikita kwenye ukusanyaji wa mapato na utekelezaji wa miradi ya maendeleo.Katika hotuba yake Mstahiki Meya ameusisitiza uongozi wa Halmashauri ya Manispaa ya Lindi kubuni vyanzo vipya vya mapato ili kuongeza uwanda wa ukusanyaji wa mapato ya Halmashauri.

Aidha, Mstahiki Meya amewataka wananchi wa Mkoa wa Lindi kwa ujumla kujiandaa kuupokea mradi mkubwa wa gesi asilia (LNG) ambao unatarajiwa kuanza siku chache zijazo.Mstahiki Meya ameendelea kusema kwamba muda wa kujiandaa ni sasa na si vinginevyo.Halmashauri ya Manispaa ya Lindi nayo inapaswa ijipange kuupokea mradi huo kwa kuhakikisha viwanja vingi vinapatikana, kuongeza upatikanaji wa huduma mbalimbali za kijamii kama afya, elimu, maji, umeme n.k.

Mbunge wa jimbo la Lindi mjini Mhe. Hamida Abdallah ameipongeza serikali kwa kulipatia jimbo lake fedha kiasi cha Milioni mia tisa (900,000,000) kwa ajili ya ujenzi wa shule ya sekondari ambapo shule hiyo inatarajiwa kujengwa katika kata ya Mingoyo.Pia Jimbo la Lindi limepokea Shilingi bilioni moja na nusu (1,500,000,000) kwa ajili ya ujenzi wa barabara ambapo fedha hiyo itawezesha ujenzi wa barabara kilometa 14 kwa kiwango cha lami.

Mjumbe wa kikao cha baraza la Madiwani mhe. Mchinjita akitoa hoja.

Mstahiki Meya wa Manispaa ya Lindi mhe. Frank Magali.

Afisa misitu wa Manispaa ya Lindi ndg. Chimbuli akijibu hoja za wajumbe wa kikao cha baraza la Madiwani.