kata ya rahaleo

UTANGULIZI

Kata ya Rahaleo ni miongoni mwa kata 20 zilizopo katika Manispaa ya Lindi.

IDADI YA WATU NA MAKAZI.

Kata ya Rahaleo ina mitaa 4 ambayo ina wakazi 2111 wanaume 844 na wanawake 1262 na ina kaya 501 kutokana na sense ya mwaka 2012.

IDADI YA WATUMISHI KWA KILA KADA.

TAARIFA YA MAENDELEO YA SHULE.

Kata ina shule moja ambayo ni shule ya msingi Rahaleo na ina wanafunzi wafuatao;

Wanafunzi waliofanya mtihani wa kuhitimu elimu ya msingi mwaka 2019/2020 ni 70 kati ya wanafunzi hao wavulana 24 na wasichana 46, na waliochaguliwa kujiunga na kidato cha kwanza ni 69 kati yao wavulana 24 na wasichana 45.

HALI YA UFUNDISHAJI.

Ufundishaji unaendelea vizuri walimu wanaingia madarasani na kufundisha kufuatia ratiba zilizopo.

HALI ZA MAHUDHURIO YA WANAFUNZI.

Katika kipindi cha robo ya pili mahudhurio ya wanafunzi yanaendelea vizuri na hali ya utoro ni ndogo hakuna utoro wa kudumu.

MIMBA ZA WANAFUNZI.

Katika kipindi cha robo ya pili hakuna taarifa za mimba zilizolipotiwa.

UZIO WA SHULE.

Mikutano ya kuhamasisha michango inaendelea kufanyika kupitia wazazi/walezi na katika mikutano ya wananchi.

ELIMU YA SEKONDARI.

Kata ya Rahaleo haina shule ya sekondari hivyo wanafunzi wa kata hii wanapata elimu ya sekondari katika shule jirani kama shule ya Lindi sekondari, Mkonge sekondari, Angaza sekondari, Mitwero sekondari, ambazo zipo nje ya kata.

HALI YA USAFI WA MAZINGIRA.

Kutokana na msimu wa masika maeneo mengi yana nyasi, japo wananchi wanajitahidi kufyeka ama kulima pia kutokana na ushirikiano wa mwenye kiti na wajumbe wake kupitia wananchi wao baada ya makubaliano ya vikao vya serikali za mitaa. Wananchi hao wanaendelea kusafisha maeneo yao.

UKUSANYAJI WA TAKA NGUMU.

Kata ya Rahaleo ina kikundi cha uzoaji taka ngumu ambacho kinawezesha uzoaji taka katika mitaa yote.

UVUVI/MIFUGO NA KILIMO.

Wakazi wa kata hii hujishughulisha na kazi za uvuvi wa samaki, wengine hujishughulisha na kilimo katika kata jirani kama kata ya rasbura, Mbanja, Mtanda, Kitumbikwela.

BARAZA LA KATA.

Kata ya Rahaleo bado haina baraza la kata kutokana na kusimama kwa baraza kulikosababishwa na uhaba wa wajumbe.

MIKUTANO NA VIKAO VILIVYOFANYIKA.

MAENDELEO YA JAMII.

Kata hii ina jumla ya vikundi 30 vya ujasiliamali ambavyo vimesajiliwa na katika robo hii ya pili vikundi havijapata mkopo kutoka Halmashauri bado wanajiendesha wenyewe.

USAJIRI WA WATOTO CHINI YA MIAKA 5.

Watoto 14 wamesajiriwa kwa robo hii ya pili ambapo wavulana 6 na wasichana 8.

MRADI WA TASAF.

Kata haina mradi wa Tasaf.

FEDHA ZA UWEZESHAJI WA OFISI YA KATA.

Katika robo hii ya pili hakuna fedha iliyoletwa katika ofisi ya kata.

MAJANGA.

Katika robo hii ya pili hakuna tukio lililoripotiwa.

CHANGAMOTO

1.Jamii kutokutaka kuchangia fedha za malipo ya uzoaji taka ngumu.

2.Kutokuwepo kwa baraza la kata.

UTATUZI

1.Jamii inayogoma/isiyochangia fedha za malipo ya taka ngumu katika kikao cha WDC imekubalika majina yao yaletwe ofisi ya kata chini ya usimamizi wa Afisa Afya wa kata ili aweze kuchukua taratibu stahiki waweze kulipa fedha wanazodaiwa.

2.Baraza la kata-ofisi imepokea barua za maombi ya watu 4 ambao wanaomba kazi ya kuendesha baraza, hivyo ofisi inaandaa taratibu za kuonana na mwanasheria kwa maelezo zaidi. Pia hamasa ya kuongeza idadi inaendelea ili kukidhi vigezo vya idadi ya wajumbe.