Maadili ya Msingi

Halmashauri ya Manispaa inapenda kuona kuwa dira yake inafikiwa kikamilifu. Ili kufanikisha hilo, masuala muhimu yafuatayo yametazamwa kwa makini wakati wa maandalizi ya dira na malengo yake:-

Utawala bora

Kuimarisha amani na kutii sheria hutegemea sana suala la utawala bora katika utendaji kazi wa menejimenti ya manispaa na watumishi wake wote. Watumishi wote watazingatia kanuni na taratibu za utumishi wa umma katika kutekeleza majukumu yao. Hivyo ni vema kusema kuwa kutokuwepo kwa matabaka na kufanya maamuzi kwa wakati ni nguzo muhimu katika kufanikisha masuala ya utawala bora katika Halmashauri ya Manispaa ya Lindi.

Utoaji wa huduma bora

Menejimenti na watumishi wa Halmashauri ya Manispaa ya Lindi watatoa huduma zilizo bora kwa kuzingatia na kutambua mahitaji muhimu ya makundi yote ya wananchi wa Manispaa bila kubagua kundi Fulani.

Uwazi na Uwajibikaji

Menejimenti itawajibika kutoa huduma kwa kujituma kufuatana na ujuzi na uzoefu wake katika kuwahudumia wananchi.

Mipango shirikishi

Kazi za Halmashauri ya Manispaa ya Lindi lazima zifanyike kwa usawa na hatua zote zizingatie uwazi na kuhakikisha wananchi na wadau wote wengine wanashiriki katika mipango ya Halmashauri ili kuboresha hali ya mipango na utekelezaji wake. Hili ni sual la muhimu lililozingatiwa katika kuweka dira ya HAlmashauri.

Uchumi endelevu

Kuhakikisha kuwa na uchumi endelevu ni jambo muhimu la kuzingatia katika kuweka dira na malengo ya Halmashauri. Hii ni matokeo ya mwisho katika utekelezaji timilifu wa malengo ya Halmashauri katika kufanikisha dira yake. Maendeleo yaliyo endelevu huonyeshwa na uchumi endelevu katika kuongezeka kwa uzalishaji wa bidhaa na huduma.