ZIARA YA MHE.MKUU WA WILAYA YA LINDI KUKAGUA MIRADI YA MWENGE.

Imetumwa: February 21st, 2023

Mkuu wa wilaya ya Lindi Mhe.Shaibu Ndemanga akiwa pamoja na kaimu mkurugenzi wa Manispaa ya Lindi Ndg David Muharagi pamoja na timu ya wataalamu kutoka ndani ya Manispaa ya Lindi wamefanya ziara kutembelea na kukagua miradi mbalimbali ambayo itapitiwa na mbio za mwenge wa uhuru katika kijiji cha Milola pamoja na Rutamba.

Ziara hiyo ilianzia katika ofisi ya kituo cha wanyama pori (TAWA),ambacho kipo katika kijiji cha Milola Mradi wenye thamani ya shilingi Milioni 83,205,300.00.Eneo ambalo mwenge wa uhuru utafungua ofisi ya  kituo cha wanyama pori (TAWA).Baada ya kukagua mradi huo wa kituo cha wanyama pori na kuona maendeleo mazuri ya mradi huo msafara uliekea kukagua ujenzi wa daraja lililo jengwa njia panda ya barabara ya kutoka Milola kwenda Nangaru,daraja hili pia lipo katika kijiji cha milola,mradi wenye thamani ya shilingi Milioni 786,165,000.00. Ambapo pia msafara huo ulipata kukagua na kuona hatua  nzuri ya ujenzi wa daraja hilo.

Sambamba na hilo msafara ulipata kuelekea  katika uwanja wa shule ya Sekondari Milola kukagua na kujiridhisha kuwa uwanja huo utatumika katika kupokea mbio za mwenge wa uhuru kabla haujaenda kukagua miradi ya mwenge katika kijiji hicho cha Milola.

Baada ya kumaliza kukagua eneo hilo la uwanja wa shule ya sekondari milola msafara ulekea katika eneo la Rutamba ya sasa katika kijiji cha Rutamba kukagua mradi wa ujenzi wa shule ya Msingi Rutamba ya sasa,Mradi wenye thamani ya shilingi Milioni 252,490,000.00 ambapo katika shule hiyo ya Rutamba ya sasa mwenge wa uhuru utaweka jiwe la msingi.

Baada ya kukagua mradi wa shule ya msingi Rutamba ya sasa mafara ulipata kuelekea katika eneo la magroove kata ya msinjahili lindi mjini na  kukagua eneo ambalo utafanyika mradi wa lishe lakini pia eneo hilo la mangrove litatumika kutolea elimu kuhusiana na madini joto kwa wananchi.Mradi wenye  thamani ya shilingi Milioni 12,885,000.00 baada ya kutoka katika eneo la Mangrove msafara ulipata kuelekea katika eneo la Banduka Lindi mjini ambapo kuna mradi wa ujenzi ya zahanati ambao mwenge wa uhuru utaweka jiwe la msingi katika zahanati hiyo.Mradi wenye thamani ya shilingi 61,218,000.00 na kupata kuona maendeleo mazuri katika mradi huo wa zahanati.

Mwisho, ziara ya mkuu wa wilaya ya Lindi kukagua miradi hiyo ya mwenge iliishia katika viwanja vya shule ya msingi Rahaleo eneo ambalo mkesha wa mwenge utafanyika.