MJUMBE WA TUME HURU YA TAIFA YA UCHAGUZI ATEMBELEA VITUO VYA UANDIKISHAJI HALMASHAURI YA MANISPAA YA LINDI.

Imetumwa: May 17th, 2025

Mjumbe wa Tume ya Taifa ya Uchaguzi Mhe. Magdalena Kamugisha Rwebangira Leo Mei 17, 2025 ametembelea na kuangalia Vituo mbalimbali vya uandikishaji wa Daftari la kudumu la wapiga kura awamu ya pili ndani ya  Halmashauri ya Manispaa ya Lindi Kwa lengo la kujua maendeleo ya utekelezaji wa majukumu Kwa waendesha vifaa vya Bayometriki pamojana waandishi wasaidizi  tangu kuanza Kwa zoezi hilo Mei 16, 2025 Kwa majimbo yote mawili Jimbo la Lindi Mjini pamoja na Jimbo la Mchinga.

Baadhi ya vituo vilivyotembelewa Kwa siku ya leo ni pamoja na kituo Cha uandikishaji Ofisi ya Kata ya Nachingwea, Makonde,Ndoro,Mchinga , Kilangala pamoja na Kitomanga.

Aidha Rwebangira ametoa wito kwa Wakazi wa Manispaa ya Lindi ambao wanasifa za kujiandikisha au kuboresha taarifa zao na hawakupata nafasi hiyo Kwa awamu ya kwanza kufika katika vituo vya uandikishaji vilivyopo katika kata zao ili kuweze kupata Huduma hiyo Kwani Zoezi hilo ni la wiki Moja.

Zoezi hilo  la uandikishaji na uboreshaji wa Daftari la kudumu la wapiga kura Kwa awamu ya pili limeanza tarehe 16 Mei Hadi tarehe 22 Mei,2025 ambapo vituo vinafunguliwa kuanzia Saa 02:00 asubuhi mpaka saa 12:00 Jioni.