WAWEZESHAJI TASAF WAPATA MAFUNZO

Imetumwa: June 20th, 2018

 Mfuko wa Maendeleo ya Jamii (Tasaf ) yatoa mafunzo kwa wawezeshaji katika ngazi ya eneo la utekelezaji kuhusu mafunzo ya stadi za Maisha kwenye program ya kukuza uchumi wa kaya za walengwa wa mpango wa kunusuru kaya maskini katika halmashauri ya Manispaa ya Lindi kwa muda wa siku kumi kuanzia tarehe 18/06/2018.

lengo  ni  kujenga timu ya wawezeshaji kwa mafunzo kutoka kwa wakufunzi ambao wataendesha mafunzo kwa walengwa wa mpango wa kunusuru kaya maskini hususan katika nyanja ya stadi za Maisha.

mafunzo hayo ni sehemu ya mkakati endelevu wa kuondokana na umaskini kwa kuwezesha kaya hizo za walengwa kuweka akiba na kufanya shughuli za kiuchumi.

Programu ya kukuza uchumi wa kaya inahusu utekelezaji wa shughuli mbalimbali ambazo zitasaidia ukuaji wa kiuchumi wa kaya ikiwemo mafunzo ya ujasiriamali, namna ya kubuni wazo la biashara ,namna ya kufanya biashara na aina gani ya biashara mlengwa afanye.

Aidha, walengwa wanatarajia kupata ujuzi utakao wasaidia walengwa kufanya biashara zao kwa faida na uendelevu ili kuongeza kipato na hivyo kupunguza umaskini.

Mfuko wa maendeleo ya jamii ulianzishwa mwaka 2000 ikiwa ni moja ya jitihada ya kupunguza umaskini ambapo ulizinduliwa rasmi na Raisi mstaafu wa awamu ya nne Mhe.Jakaya Kikwete tarehe 15 mwezi Agosti 2012  Dodoma.