WATOA HUDUMA ZA AFYA MANISPAA YA LINDI WAPEWA MAFUNZO YA LISHE.

Imetumwa: February 25th, 2025

Watoa Huduma kutoka katika vituo vya kutolea Huduma za Afya Halmashauri ya Manispaa ya Lindi wapewa mafunzo ya namna Bora ya kuboresha Huduma za lishe kwenye vituo vyote vya kutolea Huduma za Afya, kutokana na changamoto mbalimbali ikiwa ni pamoja na upungufu wa damu Kwa wajawazito 4.5% watoto kuzaliwa na uzito pungufu 8.6% changamoto ya watoto wenye ukondefu 2.8% pamoja na watoto wenye udumavu 1.1%.

Mafunzo hayo ni ya siku Moja na yamefanyika Leo tarehe 25 Februari, 2025 katika ukumbi wa mikutano wa Dockyard Hall Center yakihusisha watoa Huduma za Afya kutoka vituo vyote ndani ya Halmashauri ya Manispaa ya Lindi.

Akifungua mafunzo hayo Kaimu Mkurugenzi wa Halmashauri ya Manispaa ya Lindi ambaye pia ni mganga mkuu wa Halmashauri ya Manispaa ya Lindi Dkt. Stanford Mwakatage amesisitiza watoa Huduma hao kwenda kutoa Elimu juu ya masuala ya lishe sambamba na matumizi sahihi ya chumvi yenye madini joto Kwa Jamii.

Aidha amewaomba washiriki hao kufuatilia Kwa makini lakini pia kuyafanyia kazi yale yote ambayo watafundishwa katika mafunzo hayo ili kwenda kutengeneza Jamii Bora.

 Sambamba na hilo amesisitiza washiriki hao kushiriki kikamilifu katika mikutano vya SALiKi katika maeneo yao

Naye Kwa upande wake Afisa Lishe Halmashauri ya Manispaa ya Lindi Bakari Abdallah amesisitiza wahudumu hao kwenda kufikisha ujumbe sahihi wa lishe walio upata katika mafunzo hayo kwenye Jamii na wateja wao wanao wahudumia kwenye kliniki za wajawazito ili kuboresha mikakati iliyowekwa ya kukabiliana na changamoto za wamama kujifungua watoto wenye uzito pungufu chini ya kilo 2.5 na wajawazito kukutwa na upungufu mkubwa wa damu wakati wa ujauzito.