WADAU KUFANYIA KAZI MASHAMBA YA MIKOROSHO

Imetumwa: July 30th, 2018

Mstahiki Meya wa Halmashauri ya Manispaa ya Lindi Mhe. Mohamedi Lihumbo amewataka  wadau waliopewa mashamba ya korosho kuyafanyia kazi.

Mstahiki Meya ameyasema hayo katika baraza la Madiwani lililofanyika 27/07/2018 ambapo aliwasistiza kuyafanyia kazi hasa ukizingatia kuwa korosho ni zao la thamani.

Pia Mstahiki Meya amewashukuru wajumbe wa kamati mbalimbali ambao wamemaliza muda wao kwa ushirikiano waliouonyesha kwa kipindi cha mwaka 2017/2018 kwani kumekuwa na usimamizi mzuri wa miradi ya maendeleo ambayo imetekelezwa kwa kiwango bora unaolingana na kiwango cha miradi kilichokubaliwa.

Nae kaimu mkurugenzi wa Manispaa Ndg, Kihanza B. J aliwashukuru Madiwani, wataalam na  wananchi kwa ushirikiano waliouonyesha katika kusimamia na kutekeleza usimamizi mzuri wa miradi mbalimbali ya maendeleo na kuahidi kuendelea kukamilisha miradi kwa kiwango stahili.

Halmashauri ya Manispaa ya Lindi inaendelea na ujenzi wa miradi mbalimbali ikiwemo ujenzi wa machinjio ya kisasa ya Ngongo, ujenzi wa shule shikizi ya Mayani, ujenzi wa madarasa shule ya msingi Kikwetu na ujenzi wa shule ya sekondari Kitumbikwela.

Aidha Mstahiki Meya alihitimisha baraza  kwa kuwataka wajumbe kushiriki katika uchaguzi wa Naibu Meya na uteuzi wa Wenyeviti na wajumbe wa kamati mbalimbali ambapo Bi Asina Kawanga alichaguliwa kuwa Naibu Meya wa Manispaa ya Lindi.