KUOMBA RADHI KWA MHE WAZIRI WA TAMISEMI NA WANANCHI KWA UJUMLA

Imetumwa: July 30th, 2021

TAARIFA KWA UMMA

Usahihi wa Taarifa iliyotolewa na mstahiki meya wa Manispaa ya Lindi kwenye kikao cha Baraza la robo ya 4 kwa mwaka wa fedha 2020/2021 kilichofanyika tarehe 30 Julai, 2021 katika Ukumbi wa Kagwa- Manispaa ya Lindi.

Mstahiki Meya wa Manispaa ya Lindi , awali anamuomba radhi mheshimiwa Ummy Mwalimu (Waziri wa Nchi- Ofisi ya Rais TAMISEMI) kufuatia taarifa zilizozagaa kwenye vyombo vya habari kwamba yeye mstahiki Meya alipinga taarifa ya mapato iliyotolewa na mheshimiwa Waziri hivi karibuni ambapo taarifa hiyo ilieleza kuwa Manispaa ya Lindi imekuwa ya mwisho katika kundi la Manispaa kwa kukusanya asilimia 58 pekee.

Mstahiki Meya anatambua mamlaka ya Mheshimiwa Waziri na kwamba kamwe hawezi kuwa na utovu wa nidhamu wa kumpinga mheshimiwa Waziri, na akijaribu kurejea majibu aliyoyatoa kwa Waandishi wa habari wakati wa kikao kuhusu Taarifa ya mheshimiwa Waziri- Mstahiki Meya aliwaelezea kuwa suala hilo linashughulikiwa na Ofisi ya mheshimiwa Mkuu wa Mkoa kwa sababu mabadiliko ya lengo la ukusanyaji kutoka 2.5B kwenda 3.5B yeye na Baraza la Halmashauri hawakuwahi kupewa taarifa na kwamba vyovyote itakavyoamuliwa na Serikali (TAMISEMI) ndio sahihi kwa sababu wao ndio wenye Mamlaka ya mwisho kwenye Usimamizi na Undeshaji wa Mamlaka za Serikali za Mitaa.

Uongozi wa Halmashauri unamuomba radhi sana mheshimiwa Waziri kwa namna ambavyo jambo hilo lilivyoripotiwa