VIONGOZI WA SERIKALI ZA MITAA WAAPISHWA KUANZA KAZI RASMI.

Imetumwa: November 28th, 2024

1. Katika tukio la kihistoria, Viongozi wa Serikali za Mitaa wameapishwa rasmi leo, Novemba 28, 2024, mjini Lindi, ikiwa ni siku moja baada ya Uchaguzi wa Serikali za Mitaa. Msimamizi wa Uchaguzi wa Halmashauri ya Manispaa ya Lindi, Juma Mnwele, aliongoza zoezi hilo la uapisho, ambapo Viongozi 1953, wakiwemo Wenyeviti wa Mitaa 117, Wajumbe Mchanganyiko 353, na Wajumbe wa Nafasi za Wanawake 252, walikula kiapo cha kuanza rasmi majukumu yao.Viongozi hao walichaguliwa katika kinyang'anyiro kilichoshirikisha wagombea 8862, na sasa wanatarajiwa kutekeleza majukumu yao kwa ufanisi na uaminifu mkubwa, kwani wananchi wana imani kubwa nao. Msimamizi wa Uchaguzi aliwasihi Viongozi hawa kutumia nafasi zao vizuri, kwani wamechaguliwa kwa ridhaa ya wananchi na wanategemewa kwa ufanisi katika utumishi wa umma.

Pia, Viongozi wa Serikali za Mitaa wameaswa kufanya kazi kwa weledi, kwa kuzingatia kanuni na sheria za Katiba ya Jamhuri ya Muungano wa Tanzania, na kuhakikisha wanatekeleza ilani ya Chama cha Mapinduzi (CCM). Ili kuimarisha utendaji wao, Msimamizi wa Uchaguzi alifafanua kuwa Viongozi hao watapewa mafunzo maalum yatakayowawezesha kuwa na maarifa bora ya uwajibikaji, kama ilivyokusudiwa na Serikali.