Siku ya Afya na Lishe ya kijiji (SALiKi) YAFANYIKA katika Kata ya kitumbikwela kwenye mitaa ya Sinde na Mnali

Imetumwa: October 23rd, 2023

Katika kuelekea maadhimisho ya siku ya lishe kitaifa ambayo yanatarajiwa kufanyika tarehe 30, Oktoba maafisa wa lishe Halmashauri ya Manispaa ya Lindi eo tarehe 24, Oktoba 2023 kwa pamoja wamefanya mkutano wa SaLiKi katika Kata ya kitumbikwela kwenye mitaa ya Sinde na Mnali. Mkutano huo ulibeba ujumbe maalumu wa Madhimisho ya Siku ya Lishe Kitaifa kwa Mwaka 2023 wenye Kauli mbiu: _"Lishe Bora kwa Vijana Balehe, Chachu ya Mafanikio Yao". Sambamba na hilo, Jamii ilipata Elimu juu ya umuhimu wa Lishe  Bora kwa Vijana Balehe.

Kwenye mkutano huo wananchi wa mitaa yote miwili wamepata elimu juu ya masuala mbalimbali ya lishe ikiwemo ulaji Bora pamoja na Mtindo mzuri wa  maisha, ili kuepukana na hatari ya kupata maradhi yasiyo ambukiza.

Aidha kwenye siku hii pia wananchi wamepata kufahamu juu ya matumizi ya chumvi yenye madini joto, lakini pia tathmini ya hali ya Lishe kwa watoto wa miaka 10-19  kwa kuangalia  uwiano wa uzito na urefu.

Sambamba na hilo wananchi hao walipata kujifunza juu ya kuandaa chakula chenye Lishe kwa kuzingatia vitu muhimu vinavyo hitajika katika uandaaji wa chakula chenye Lishe.

Katika hatua nyingine wananchi wa Sinde na Mnali wametoa pongezi kwa maafisa wa lishe Manispaa ya Lindi kwa jitihada kubwa wanazo zifanya katika suala la utoaji wa elimu juu masuala ya lishe pamoja na matumizi ya chumvi yenye madini joto.