SHULE YA MSINGI STADIUM YAKABIDHIWA VYOO VYA KISASA

Imetumwa: March 16th, 2019

Shule ya Msingi Stadium, moja katika Shule za Msingi kongwe hapa nchini imenufaika kwa kupata vyoo vya kisasa. Vyoo hivyo vimejengwa ikiwa ni msaada kutoka kwa khaki Foundation chini ya usimamizi wa taasisi ya Lift.

Mkuu wa Shule hiyo, alisema kuwa, Novemba 2018 Khaki Foundation walimtuma mjumbe wao Bw. Mohamed Jawad Khaki kuja kufanya mazungumzo na uongozi wa shule hiyo ili kutambua changamoto zinazowakabili. Bw. Khaki ambaye alikuwa mwanafunzia katika shule hiyo kwenye miaka ya sitini pamoja na Khaki Foundation waliamua kutoa msaada wa ujenzi wa vyoo vya kisasa pamoja na  vifaa vya ofisi ikiwemo printa na  kompyuta.

Ujenzi huo wa vyoo ulisimamiwa na taasisi ya Lift na kukamilika ndani ya miezi mitatu.

Wakizungumza kwa nyakati tofauti, Mkuu wa Wilaya ya Lindi Mhe. Shaibu Ndemanga ambaye ndie alikuwa mgeni rasmi katika sherehe hiyo, Mkurugenzi wa Manispaa ndg, Jomaary Satura na Meya wa Manispaa Mhe. Mohamed Lihumbo walizishukuru sana taasisi za Khaki pamoja na Lift kwa msaada wao huo mkubwa na kuwataka watu wengine kuiga mfano wao.

Walisema kuwa kuna watu wengi ambao wamepitia katika shule zilizopo Manispaa ya Lindi na kwa sasa wanauwezo mkubwa, hivyo wakatoa wito wa kuzikumbuka shule hizo na kuzipa misaada mbalimbali.

Pia, waliwasihii walimu na wanafunzi wa Shule ya Stadium kuvitumia vyema na kuvitunza vyoo hivyo. Na kwamba msaada huo uwe ni chachu ya wao kufanya vizuri katika masomo.

“uzuri wa vyoo hivi uendane na matokeo” alisema Mhe. Ndemanga.

Jumla ya mtundu ya vyoo 24 yamejengwa. Matundu 2 ya walimu na 20 ya wanafunzi na kufanya jumla ya matundu ya vyoo katika shule hiyo kuwa 36. Matundu 32 kwa ajili ya wanafunzi na 4 kwaajili ya walimu.

Shule ya Msingi Stadium ilianzishwa mwaka 1926 na waasisi wa kihindi ikiwa na lengo la kuwapatia elimu Watoto wenye asili ya Asia. ila ilipofika mwaka 1964 Serikali iliamua kuichukua shule hiyo, na kwa sasa ina jumla ya wanafunzi 849 na walimu 16.