MKUU WA SHULE YA SEKONDARI YA LINDI WASICHANA AKABIDHI NG'OMBE NA MCHELE KWA WANAFUNZI WA SHULE HIYO..

Imetumwa: October 14th, 2023

 Hafla ya kukabidhi imefanyika oktoba 14, 2023 katika viwanja vya shule hiyo ikihusisha kukabidhi mchele kilo 500  na ng'ombe 1 kwa wanafunzi wa shule hiyo ikiwa ni ahadi ya Dkt Samia Suluhu Hassan ambayo aliitoa baada ya kufanya ziara katika shule hiyo mnamo Septemba 19, 2023.

Aidha Sungu amempongeza Rais Dkt Samia Suluhu Hassan kwa ujenzi wa shule hiyo na kuahidi kuhakikisha wanafunzi wa shule hiyo wanafanya vizuri katika masomo yao na kufika Chuo kikuu lakini pia wanakuwa miongoni mwa wanufaika wa Samia scholarship.

Sambamba na hilo ametoa pongezi kwa   mkuu wa Mkoa, mkuu wa wilaya, Mkurugenzi wa Manispaa ya  Lindi pamoja na maafisa elimu wote kwa usimamizi wa ujenzi wa shule hiyo.

Katika hatua nyingine wanafunzi wa shule hiyo ya Lindi wasichana wamemshukuru Dkt Samia Suluhu Hassan kwa kuwapatia mchele na ng'ombe, lakini pia wameahidi kufanya vizuri katika masomo yao kwa kupata ufaulu wa daraja la kwanza na kuhakikisha wanafika Chuo kikuu na kuwa miongoni mwa wanufaika na Samia scholarship.