MANISPAA YA LINDI YAIBUKA MSHINDI MASHINDANO YA YOUNG SCIENTISTS.

Imetumwa: August 29th, 2024

1. Shule  ya sekondari Angaza iliyopo Jimbo la Lindi Mjini Manispaa ya Lindi yaibuka mshindi wa tatu kimkoa katika Maonesho ya young scientists (wanasayansi chipukizi) yaliyofanyika katika shule ya sekondari Wama sharaf iliyopo Mitwero Manispaa ya Lindi Agosti 29,2024.

Ushindi huo ni kutokana na kuja na wazo la kibunifu lililo husisha Matumizi ya majitaka kutoka majumbani kwaajili ya umwagiliaji wa Mazao ya Mboga mboga.

Akizungumza katika kilele cha Maonesho hayo kimkoa mgeni rasmi ambae ni mganga mkuu wa mkoa wa Lindi Dkt. Harry Kagya akimuwakilisha katibu tawala Mkoa wa Lindi amewapongeza wanafunzi wote ambao wamefanikiwa kushida katika maonesho hayo na kuwa wawakilishi wa Mkoa wa Lindi kitaifa kwa kuhakikisha wanaenda kuwakilisha vizuri Mkoa wa Lindi.

Aidha Kagya amewaomba wanafunzi wote ambao hawakupata nafasi ya kushinda katika Maonesho hayo kuto kata tamaa na kuendelea kufanya tafiti kwa vitu mbalimbali.

Maonesho hayo ya Young scientists kwa Mkoa wa Lindi yamehusisha shule mbalimbali za sekondari zilizopo Mkoa wa Lindi ambapo shule ya sekondari Kibutuka kutoka Liwale imeshika nafasi ya Kwanza, shule ya sekondari Nachingwea kutoka Nachingwea imeshika nafasi ya Pili , shule ya sekondari Angaza kutoka Manispaa ya Lindi imeshinda nafasi ya tatu, shule ya sekondari Nachingwea imeshika nafasi ya nne ikifuatiwa na shule ya sekondari Kivinje kutoka Kilwa pamoja na shule ya sekondari Mandwanga kutoka Mtama ikishika nafasi ya Sita.