LINDI YAPEWA KIPAUMBELE MALIASILI NA UTALII.

Imetumwa: May 2nd, 2022

Naibu Katibu Mkuu wa Maliasili na Utalii Mhe.Juma Mkomi leo tarehe 02/05/2022 ametmbelea Manispaa ya Lindi ikiwa ni ziara ya kikazi kutembelea na kukagua miradi ya ujenzi katika maeneo ya kihistoria.

Naibu Katibu Mkuu akiongea na wataalamu kwenye kikao kilichofanyika ukumbi wa Mikutano ofisi ya Mkurugenzi Manispaa ya Lindi.

Kupitia wasilisho lilitolewa kwenye kikao katika ofisi ya Mkurugenzi Madam Rachel amesema "Lindi imetengewa kiasi cha fedha shilingi milioni 370 kupitia mpango wa ustawi wa taifa na mapambano dhidi ya UVIKO-19 kwa mchanganuo ufuatao ujenzi wa wa kituo cha taarifa na ukarabati wa ngome ya kihistoria eneo la Mikumbi Lindi Mjini shilingi milioni 150,ujenzi wa kituo cha taarifa,vibao elekezi na taarifa katika eneo la Mkwajuni shilingi milioni 170 na ujenzi wa taswira za mjusi mkubwa eneo la fisi na eneo la taarifa Mkwajuni shilingi milioni 50."

Utekelezaji wa miradi hii utaleta tija katika nyanja mbalimbali ikiwemo ajira kwa wanajamii.

                                                      Madam Rachel akitoa wasilisho kwa wataalamu.

Aidha,Naibu Katibu Mkuu amewaomba wataalamu kusimamia vyema miradi hiyo ili thamani ya fedha iendane na ubora wa majengo hayo kwani itawasaidia kuboresha maeneo yao ya kazi lakini pia kupendezesha na kuvutia uwekezaji.Pia amewataka wataalamu wa Manispaa kuweka mazingira wezeshi ili kuvutia wawekezaji. Naibu amemtaka Mkurugenzi kutoa taarifa pale ambapo wawekezaji wakihitaji kuwekeza kwenye maeneo yanayogusa wizara ya Maliasili na Utalii ili waweze kuwa na taarifa pia kuona ni kwa namna gani mwekezaji anataka kuwekeza kwenye eneo hilo.

                                 Naibu Katibu Mkuu akiwa na wataalamu eneo la ngome ya kihistoria Mikumbi.

Mkurugenzi wa Manispaa amemshukuru Naibu Katibu Mkuu kwa ujio wake kwani kuna maeneo mengi ambayo walitamani kurekebisha ili kuleta mvuto kwa Manispaa ya Lindi mfano usimikaji wa taswira ya mjusi eneo la fisi ila kutokana na rasilimali hafifu ikapelekea kuwa kikwazo.Aidha kupitia marekebisho hayo na ujenzi unaoenda kufanyika Manispaa ya Lindi itakuwa kivutio kwa watu wengi ambapo matarajio yetu ni kuwa watu watavutiwa kuja kuishi Lindi ambapo itapelekea kukua kwa Manispaa kitu ambacho kitakuza uchumi wa Lindi kwa mtu mmoja mmoja,wilaya na taifa kwa ujumla. Mkurugenzi ameahidi kutoa ushirikiano kwa timu ya wizara katika utekelezaji wa miradi hiyo.

                                          Mkurugenzi wa Manispaa akizungumza kwenye kikao.

Katibu Tawala wa Mkoa wa Lindi ndugu Rehema Madenge amefurahishwa na ujio huo kwani unakwenda kuipa Manispaa ya Lindi taswira nzuri ambapo siku zote anatamani kuona Lindi ikiwa kwenye ramani nzuri mfano usimikaji wa mjusi eneo la mzunguko utampa mtu kumbukumbu ya Lindi popote pale atakapomuona mjusi wa aina hiyo.