KUMBUKIZI YA SIKU YA MASHUJAA MANISPAA YA LINDI YAFANYIKA KWA KUFANYA USAFI NA DUA KWAAJILI YA MASHUJAA.

Imetumwa: July 25th, 2023

Siku ya mashujaa kwa Manispaa ya Lindi yafanyika kwa kufanya usafi na dua kwaajili ya mashujaa wetu ambao kwa namna moja ama nyingine walipambana kwaajili ya nchi yetu.

Kumbukizi hiyo ilianza kwa tukio la kufanya usafi katika soko kuu la Lindi na baada ya hapo msafara uliekea katika uwanja wa basketi ball uliopo karibu na bwalo la maofisa  wa polisi Lindi, kwajili ya dua.

Aidha Kwenye dua iliyofanyika katika viwanja vya bwalo la maofisa wa polisi Lindi, viongozi wa dini zote mbili wame sisitiza suala la kuwa na amani, mshikamano na upendo  kwa wakazi wote wa Lindi na nchi kwa ujumla, Lakini pia dua hiyo ilifanyika pia kwa kumuombea Rais wa jamhuri ya muungano wa Tanzania Dkt. Samia Suluhu Hassan katika kuiongoza nchi yetu.

Katika hatua nyingine mkuu wa wilaya ya Lindi Mhe. Shaibu Ndemanga akimuwakilisha mkuu wa mkoa wa Lindi Mhe. Zainab Telack amesisitiza usalama, na amani katika nchi yetu ili tuweze kufikia maendeleo ya nchi yetu. 

Sambamba na hilo amezungumzia suala la kufanya kazi kwa bidii na kuendelea kupata muda wa kuwakumbuka mashujaa wetu wakati wote kwani kumbukizi yao inatupatia  dira ni wapi tunatakiwa kufika pamoja na kutujenga kizalendo kuona kwamba ni kwa namna gani na sisi tunatakiwa kujitoa kwaajili ya nchi yetu.