KATIBU TAWALA MKOA WA LINDI AWAPONGEZA WAKAZI WA MANISPAA YA LINDI KWA KUJITOKEZA KWENYE MAZOEZI YA MUUNGANO DAY.

Imetumwa: April 26th, 2025

Ikiwa Leo  Aprili 26,2025 ni Maadhimisho ya sherehe za miaka 61 ya Muungano wa Tanzania ambayo kimkoa yanafanyika katika Halmashauri ya Wilaya ya Mtama  mgeni rasmi akiwa ni Mkuu wa Mkoa wa Lindi Mhe. Zainab Telack. Mamia ya wakazi wa Manispaa ya Lindi wajitokeza uwanja wa Ilulu kwaajili ya Maadhimisho ya miaka 61 ya Muungano  wa Tanzania Kwa kufanya mazoezi ya viungo pamoja na mbio fupi.

Katibu tawala Mkoa wa Lindi Bi Zuwena Omari kwa niaba ya Mkuu wa Mkoa wa Lindi amewapongeza mamia ya wanamichezo kwa kujitokeza kwenye mazoezi ya viungo kwa siku ya leo ambayo ni maalum Kwaajili ya Maadhimisho ya miaka 61 ya Muungano wa Tanzania.

Sambamba na hilo ametumia nafasi hiyo kuwakaribisha wakazi wote wa Manispaa ya Lindi kujitokeza kwenye Sherehe za Maadhimisho ya miaka 61 ya Muungano ambayo  kimkoa yanafanyika Wilaya ya Mtama.

Naye Mkuu wa Wilaya ya Lindi Mhe.Victoria Mwanziva, amewapongeza wakazi wa Manispaa ya Lindi Kwa kuendelea kujitokeza kwenye mazoezi hayo ambayo yanafanyika kila siku za Jumamosi uwanja wa Ilulu kuanzia Saa 12:00 Kwani mazoezi ni tiba na hutuweka mbali na magongwa yasiyo ambukiza.

Kauli mbiu ya Maadhimisho ya miaka 61 ya Muungano wa Tanzania kwa mwaka huu inasema Muungano Wetu ni Dhamana Heshima na Tunu ya Taifa: ShirikiUchaguzi Mkuu wa Mwaka 2025"