JUKWAA LA UWEZESHAJI WANAWAKE KIUCHUMI MKOA WA LINDI LATOA MSAADA KWA WAKAZI WA KATA YA RASBURA.

Imetumwa: March 4th, 2025

Ikiwa zimebaki siku tatu Kuelekea Maadhimisho ya siku ya Wanawake Duniani itakayofanyika Machi 08,2025  kamati ya Maandilizi hayo ikiongozwa na Jukwaa la Uwezeshaji Wanawake Kiuchumi Mkoa wa Lindi chini ya mwenyekiti wake Bi, Angel Kessy limetoa msaada wa mahitaji mbalimbali muhimu Kwa wakazi wa kata ya Rasbura  Halmashauri ya Manispaa ya Lindi kwaajili ya mfungo wa Ramadhani.

Wakikabidhi mahitaji hayo  kwa Niaba ya Mwenyekiti wa Jukwaa hilo Bi. Angel Kessy, wajumbe wa Kamati ya Maandalizi Bi. Moss nampembe  na bi mwanaidi bakari walisema Jukwaa la Uwezeshaji Wanawake Kiuchumi Mkoa wa Lindi kwa kushirikiana na asasi na wadau mbalimbali ikiwemo Lindi Women Gala wamepanga kushiriki hatua zote zitakazoleta nafuu ya kumwamkwamua mwanamke kiuchumi mkoani lindi kwani wanaamini ya kwamba kukosekana kwa uchumi imara mikononi Kwa  wanawake ni viashiria vibaya vya ukatili dhidi yao katika jamii wanayoishi.

Akikabidhi msaada huo Kwa wakazi hao Diwani wa kata hiyo Mhe.Kikwei Abdallah ametoa shukrani Kwa kamati hiyo Kwa  kutoa msaada huo ambao unakwenda kusaidia kaya nyingi katika kata yake, msaada huo ni pamoja na Mchele, unga, sabuni, sukari, pamoja na mafuta ya Kula na kupakaa.

Aidha ameomba kamati hiyo kuwa na moyo huo wa kutoa msaada Kwa maeneo mengine Kwa watu wenye uhitaji.

Nae mtendaji kata wa kata hiyo  Abdulmajid Said Murad ameipongeza kamati hiyo Kwa kutoa msaada huo ambao unakwenda kusaidia kaya nyingi ambazo zilikuwa na uhitaji wa vitu hivyo.

Katika hatua nyingine mdau wa maendeleo Halmashauri ya Manispaa ya Lindi Mwatumu Juma Msangi (Mama kidia) ametoa ufadhili wa bima za Afya Jamii  zilizoboreshwa (iCHF) Kwa wakazi wa Manispaa ya Lindi Kwa kaya 20 zenye jumla ya watu 120.

Bima  zenye jumla ya Thamani ya shilingi laki sita ambazo zinakwenda kusaidia katika matibabu yao.

Wakipokea bima hizo  wanufaika hao wamempongeza mdau huyo wa maendeleo Kwa kutoa bima hizo ambazo zinakwenda kuwasaidia katika matibabu yao pindi ambapo watakapo kuwa wanaumwa au kupata changamoto ya kiafya.