DK. MNDOLWA ATOA PONGEZI KWA MANISPAA YA LINDI.

Imetumwa: February 25th, 2022

Dk.Edmund Mndolwa ambaye ni mwenyekiti wa Jumuiya ya wazazi taifa(CCM)lakini pia ni mjumbe wa kamati kuu leo tarehe 25/02/2022 ametembelea Manispaa ya Lindi ambapo yupo kwenye ziara ya kukagua utekelezaji wa Ilani ya uchaguzi mkoa wa Lindi.

Mndolwa ametoa pongezi za dhati kwa Manispaa ya Lindi kwa usimamizi mzuri juu ya utekelezaji wa miradi ya maendeleo hasa madarasa yaliyojengwa kupitia fedha za UVIKO-19 kwani yamejengwa kwa ubora wa hali ya juu,ameyasema hayo alipokuwa katika viwanja vya shule ya sekondari Kitomanga.

Katika kuhakikisha madarasa hayo yanatumika vyema. Dk.Edmundi amewaasa wanafunzi wa shule hiyo kusoma kwa bidii na kuhakikisha wanafaulu vizuri ili kuunga mkono juhudi za serikali chini ya usimamizi wa Rais wa awamu ya sita Mhe.Samia Suluhu Hassan kwani Mhe.Rais anapambana kuhakikisha wanafunzi wanasoma katika mazingira salama na ya kupendeza.

Aidha,Mbunge wa Jimbo la Mchinga Mhe.Salma Rashidi Kikwete amemshukuru Mwenyekiti kwa ujio wake ambapo pia ametoa shukrani za dhati kwa Mheshimiwa Rais kwa kutoa fedha za ujenzi wa madarasa nchi nzima lakini ametoa changamoto kwa Mwenyekiti juu ya upungufu wa walimu mashuleni.