DC MWANZIVA AWEKA JIWE LA MSINGI MIRADI YA MAENDELEO KATA YA MIPINGO.

Imetumwa: February 22nd, 2025

Mkuu wa Wilaya ya Lindi Mhe.Victoria Mwanziva ameweka mawe ya msingi katika miradi mbalimbali ya maendeleo kata ya Mipingo ikiwa ni pamoja na bweni la wasichana katika shule ya Sekondari Mipingo pamoja na Zahanati ya Namkongo kata ya Mipingo Jimbo la Mchinga Halmashauri ya Manispaa ya Lindi.

Hayo yamefanyika Tarehe 22 Februari 2025 mara baada ya kufanya ziara yake katika Jimbo la Mchinga kata mipingo kwaajili ya kutembelea na kukagua miradi mbalimbali ya maendeleo inayotekelezwa na serikali katika kata hiyo.

Akiongea na Wananchi Kwa nyakatai tofauti mara baada ya kuweka mawe ya msingi katika miradi hiyo DC Mwanziva amepongeza Ujenzi wa miradi hiyo pamoja na kuwaomba Wananchi kuendelea kushiriki katika shughuli mbalimbali za maendeleo kwenye kata yao ili waweze kupata maendeleo.

Aidha Mwanziva amewaomba wananchi kutunza miundombinu hiyo ambayo itatumika katika kuleta maendeleo kwenye kata yao Kwani serikali inatoa fedha nyingi kwaajili ya Ujenzi wa miundombinu hiyo.

Aidha amewaomba Wanafunzi wa shule ya Sekondari Mipingo kuhakikisha wanasoma Kwa bidii ili waweze kufaulu mitihani yao, na kutimiza Ndoto zao.

Sambamba na hilo amewaomba wataalam kuendelea kusimamia miradi mbalimbali inayotekelezwa na serikali pamoja na kuhakikisha ubora wa miradi hiyo una akisi Thamani ya pesa inayotolewa.

Nae Diwani wa kata hiyo Mhe. Seif Said Njenga ameishukuru serikali ya awamu ya sita inayo ongozwa na Mhe. Rais dkt. Samia Suluhu Hassan Kwa kuendelea kutoa fedha Kwaajil ya miradi mbalimbali ya maendeleo katika Halmashauri ya Manispaa ya Lindi hususani ni kwenye kata yake ambapo miradi hiyo ya Elimu na Afya inatekelezwa.

Nao wananchi wa kata hiyo wameishukuru Serikali Kwa kuwapatia miradi hiyo ya maendeleo katika kata yao ambayo Kwa namna Moja ama nyingine inakwenda kuwasaidia Wananchi wa eneo hilo, lakini pia wameahidi kutunza miundombinu hiyo ya bweni pamoja na Zahanati.

Ziara hiyo Kwa kata ya Mipingo ni muendelezo wa Ziara za Mhe. Mkuu wa Wilaya ya Lindi katika Halmashauri ya Manispaa ya Lindi kwaajili ya kutembelea na kukagua miradi mbalimbali ya maendeleo inayotekelezwa na na Serikali.