BILIONI 56 ZATENGWA KWA AJILI YA MRADI WA LNG.

Imetumwa: June 20th, 2021

Waziri wa nishati Mheshimiwa Medard Kalemani amezungumza hayo alipokuwa katika mkutano wa uhamasishaji kwa wadau kuhusu mradi wa gesi asilia iliyosindikwa kuwa kimiminika(LNG) leo tarehe 20 juni 2021 uliofanyika kwenye ukumbi wa mikutano wa Sea View Hotel.Ameyasema hayo kuwapa mwelekeo wa mradi huo na kuonyesha ni kwa jinsi gani serikali inafanya kwa kasi utekelezaji wa mradi huo,Kwa kuongezea Mheshimiwa waziri ameelezea juu ya upatikanaji wa umeme vijijini na kwamba serikali imetenga kiasi cha fedha shilingi Trilioni moja kuhakikisha vijiji vyote Tanzania vinapata umeme ambapo kazi ya utekelezaji imeanza  mwezi wa tatu na itachukua miezi kumi na nane kukamilisha kazi hiyo.Pia waziri ameagiza uwekwaji wa mikapa kuzunguka eneo la mradi ili kuepusha uvamizi wa eneo husika na ameagiza zoezi hilo kufanyika haraka na isizidi mwezi mmoja liwe limekamilika.

Mkurugenzi mtendaji wa shirika la maendeleo ya petrol na gesi Dkt James Mataragio alipata wasaa wa kuuelezea mradi huo wa gesi ambao utatekelezwa katika kijiji cha Likong’o  ambapo wanakijiji waliokuwa kwenye eneo la mradi wameshalipwa stahiki zao ili kupisha utekelezaji wa mradi huo.Pia alielezea faida za mradi wa gesi ambazo ni upatikanaji wa malighafi za viwandani,kukua kwa uchumi wa mkoa,wananchi na taifa kwa ujumla,kuleta ajira wazawa ambapo watu 15000 wataajiriwa wakati wa ujenzi na 5000 wakati wa uendeshaji,kupanuliwa kwa bandari na viwanja vya ndege,fedha za kigeni na kujenga ushirikiano.Vile vile alitoa ufafanuzi pia kuhusu mradi umeme majumbani ambapo amesema kazi ya utekelezaji ilikwama kutokana na mlipuko wa ugonjwa wa Covid 19 lakini kwa sasa mradi unatekelezwa na nyumba zipatazo 200 Mnazimmoja na 300 Lindi Mjini zitavutiwa umeme huo.

 Mwakilishi wa Mkuu wa Mkoa ambaye ni Mkuu wa Wilaya Ndugu Shaibu Ndemanga amemshukuru waziri wa nishati na serikali kwa ujumla kwa juhudi kubwa wanazozionyesha katika kutekeleza mradi wa gesi huku akigusia utaratibu mzuri uliofanyika katika ulipaji fidia kwa wananchi.Anasema pia kuwa serikali imetoa nafasi kadhaa kwa ajili ya mafunzo ya uchakataji gesi ambapo gharama za mafunzo hayo 95% yatagharamiwa na serikali,mafunzo hayo yanatarajiwa kuanza kwa mwaka wa masomo 2021/2022.

                                                            Waziri wa nishati akihutubia kwenye mkutano wa LNG.